Agustina Nolasco

Nadakip ng pulisya ang isang 27- taong gulang na lalaki na umano’y nagnakaw sa isang gasoline station sa Las Piñas City nitong Sabado ng madaling araw.

Ayon sa ulat, naaktuhan ng supervisor ng gasolinahan ang suspek na ninanakawan ang isang bag na may lamang wallet at relos sa isang locker na puwersahang binuksan kung saan umakyat umano ang suspek 3^rd floor ng gasolinahan kung saan naroon ang locker room ng mga staff.

Habang nahaharap ngayon sa kasong robbery ang suspek na kasalukuyang nasa kustodiya ng Las Piñas Police at ayon sa pulisya ay dati nang nakulong sa kasong pagnanakaw.

Pansamantalang makararanas ng water service interruption ang mga consumer ng Manila Water Company Incorporation sa Makati City at Quezon City.

Ayon sa kumpanya, magsisimula ang interruption simula bukas, July 4 at magtatagal hanggang Martes, July 5.

Ito ay dahil anila sa gagawing maintenance ng linya ng tubig.

Mararanasan ang maulap na papawirin na may kalat-kalat na pag-ulan, pagkulog at pagkidlat sa ilang bahagi ng Ilocos Norte, Batanes, Babuyan Islands dulot ng habagat.

Ayon sa PAGASA posibleng maranasan ang pagbaha at pagguho ng lupa sa panahon ng katamtaman hanggang sa malakas na pag-ulan.

Habang mararanasan naman sa Metro Manila at natitirang bahagi ng bansa ang bahagyang maulap  hanggang sa maulap na papawirin na may pulu-pulong mga pag-ulan pagkulog at pagkidlat dulot ng mga localized thunderstorms.

Inaresto ng Philippine National Police ang dalawang empleyado ng Pasig City Hall matapos umanong mahuling tumatanggap ng lagay o suhol.

Batay sa Official Facebook post ni Pasig City Mayor Vico Sotto naaktuhan na tumatanggap ng suhol na nagkakahalaga ng P600K  ang naturang  mga empleyado kapalit ng  umano’y business permit.

Kaugnay nito inihayag ng Alkalde na patuloy nitong titiyakin ang pagsugpo sa korapsyon at pagsulong tungo sa mabuting pamamahala sa lokal na pamahalaan.