Binigyang linaw ng World Health Organization (WHO) na hindi pa maituturing na isang global health emergency ang monkeypox.
Ito’y sa kabila ng naunang pahayag ng pagkabahala ni WHO Director-General Tedros Adhanom Ghebreyesus sa monkeypox outbreak.
Nabatid na batay sa ulat ng WHO nasa higit sa 3,200 na ang kumpirmadong kaso ng monkeypox habang isa na ang naiulat na nasawi dulot ng virus sa huling anim na linggo mula sa 48 bansa kung saan hindi ito karaniwang kumakalat.
Mararanasan ang kalat-kalat na mga pag-ulan sa ilang bahagi ng Visayas at limang iba pang lugar sa bansa dulot ng Low Pressure Area (LPA) sa silangan ng Surigao del Sur.
Batay sa ulat ng PAGASA, nasa layong 195 km Silangan ng Hinatuan, Surigao del Sur bandang alas-3 ng madaling araw ang naturang LPA.
Habang magkakaroon ng maulap na papawirin na may kalat-kalat na pag-ulan at pagkulog at pagkulog ang apat pang apektadong lugar ang Calabarzon, Bicol Region, Caraga, Marinduque at Romblon.
Samantala, makararanas ang Metro Manila at ang nalalabing bahagi ng bansa ng bahagyang maulap hanggang sa maulap na papawirin na may pulu-pulong mga pag-ulan o pagkulog- pagkidlat dulot ng easterlies at localized thunderstorms.
Magsisilbi bilang legal consultant para kay senator Bong Go si outgoing President Rodrigo Duterte pagkatapos ng kanyang termino.
Ito’y matapos aniyang tanggapin ng Pangulo ang alok nito na gawing kanyang legal consultant.
Nabatid na nakatakdang umalis sa puwesto si Duterte sa ika- 30 ng Hunyo
Nagpaabot ng pasasalamat ang Malacañang sa mga Pilipino sa suporta’t tiwala kay Vice President-elect Sara Duterte na ganap nang nanumpa ngayong araw bilang ika-15 bise presidente ng bansa.
Ayon kay acting presidential spokesperson Martin Andanar, maraming mga Pilipino ang natuwa na masaksihan ang inagurasyon ni Sara Duterte.
Panawagan ni Andanar sa bawat Pilipino na patuloy na suportahan ang mga bagong halal na pinuno ng bansa sa paggawa ng mga ito ng kanilang tungkulin.
Nasa stable condition na si Department of National Defense Delfin Lorenzana matapos mahimatay sa ginanap na Independence Day flag-raising ceremony sa Rizal Park kaninang umaga.
Batay sa inilabas na pahayag ng kagawaran, posibleng dahil sa pagod ang dahilan ng pagkahimatay ng kalihim bunsod ng mga abalang iskedyul nitong mga nakaraang linggo at ang matinding temperatura sa Luneta ngayong araw.
Anila kararating lang kasi ni Lorenzana mula sa Singapore kaninang madaling araw pagkatapos dumalo sa IISS Shangri-La dialogue at pakikipagpulong sa kanyang mga foreign counterparts.
Habang galing din anila ang kalihim kamakailan lamang sa South Korea at iba pang bahagi ng Pilipinas, upang pangasiwaan ang mga operasyon ng depensa ng bansa at pagpapalit ng bagong administrasyon.
Bagama’t mamaya pang hapon muling bubuksan sa publiko ang dolomite beach sa Maynila, at wala pang kasiguraduhan kung kailan makapagpapasok ng mga tao ay dinagsa na ng mga tao ang labas ng Manila baywalk dolomite beach.
Karamihan sa mga gustong masilayan ang dolomite beach ay mga pamilya na excited nang makapasok sa loob ng naturang beach.
Nabatid na mamayang alas-4 ng hapon gaganapin ang inagurasyon sa dolomite beach.
Nasungkit ng CAVITEX ang panalo para sa quarterfinals ng PBA 3 on 3 third conference Leg 4 na ginanap kahapon sa Ynares center sa Antipolo.
Nakamit ng koponan ang panalo laban sa third leg runner-up na purefoods TJ Titans sa iskor na 22-17, habang nagapi naman nito sa iskor na , 21-13 ang San Miguel Beermen.
Samantala, pumuntos din ng mga second conference titlist na pioneer pro tibay at platinum karaoke sa pools A at C, habang nanalo sa pool 2 leg 2 ruler na Meralco.
Ginapi naman ng pioneer ang master sardines sa overtime sa iskor na 20-18, habang 22-13 naman ang ipinuntos ng Barangay Ginebra, pinadapa naman ng platinum ang Terrafirma sa iskor na 21-16 at Zamboanga Valientes sa puntos na 22-16.
Nagkaayos na sina Senate President Tito Sotto at aktres at singer na si Sharon Cuneta kasama ang pamilya Sotto.
Ito’y matapos mag-post ng larawan ang megastar sa kanyang instagram account kasama ang pamilya Sotto.
Matatandaang nagkalamat ang relasyon ng sina Sharon at ng pamilya Sotto sa katatapos lamang na pambansa at lokal na eleksyon.
Habang pareho namang hindi pinalad na manalo bilang bise presidente ng bansa ang si Tito Sotto at ang asawa ni Sharon na si senator Kiko Pangilinan.
Tuwing may handaan, hindi nawawala sa putahe ang pansit na sinasabing pampahaba raw ng buhay.
pero iba ang pansit na maraming benepisyo sa kalusugan ang tatalakayin natin ngayon, na tiyak na makatutulong para sa mas mahabang buhay, ito
ay ang halamang gamot na pansit-pansitan.
Kadalasang makikita ang halamang gamot na pansit-pansitan kasama ang mga ibang klase ng damo,madalas ay napagkakamalaman lamang itong simpleng damo ng karamihan. ngunit maaari rin itong palakihin bilang ornamental.
Ang pansit-pansitan ay may makintab na hugis pusong mga dahon na may sukat na nasa humigit-kumulang apat na sentimetro ang haba, na lumalaki mula sa isang tuwid na translucent na berdeng tangkay.
Meron itong maliliit na parang tuldok na bulaklak na tumutubo mula sa tuwid at payat na berdeng mga spike .
Ngunit alam niyo ba isa ito sa mga halamang gamot na inrerekomenda ng department of health. Dahil ito mabisang gamot sa gout at athritis gayondin bilang gamot sa pamamaga ng mata, altapresyon at mga problema sa bato.Habang karaniwan din itong isinasahog sa isang salad.
Makararanas ng kalat-kalat na pag-ulan, pagkulog at pagkidlat ang National Capital Region at walong iba pang lugar sa bansa.
Kabilang sa mga lugar na makararanas ng mga pag-ulan at maulap na papawirin ang Calabarzon, Aurora, Bulacan, Occidental Mindoro, Oriental Mindoro, Marinduque, Romblon, at Camarines Norte.
Samantala, bahagyang maulap hanggang sa maulap na papawirin na may pulu-pulong mga pag-ulan,pagkulog- pagkidlat dulot ng ITCZ at mga localized thunderstorms ang ilang bahagi ng bansa