Agustina Nolasco

Aabot sa 12 hinihinalang miyembro ng New People’s Army (NPA) ang nakaengkwentro umano ng mga militar sa Barcelona, Sorsogon nitong Sabado na ikinasawi ng isa umano’y rebelde.

Batay sa ulat ng 9th infantry division ng Philippine Army narekober umano sa pinangyarihan ng bakbakan ang dalawang rifle at M203 grenade launcher kung saan nagsagawa ng security operation ang mga sundalo at pulis sa barangay Olandia dahil sa umano’y presensya  armadong grupo sa lugar.

Habang wala namang naiulat na nasugatan sa panig ng gobyerno at, mahigpit na seguridad na ang pinaiiral ng awtoridad para sa kaligtasan ng mga residente.

Kusa nang nagsilikas ang ilang mga residenteng malapit sa mount bulusan sa Sorsogon matapos magbuga ng abo ang bulkan pasado alas-10 ng umaga ngayong araw

Batay sa ulat bagama’t wala pang ipinatutupad na forced evacuation sa lalawigan naglibot na ang mga tauhan ng barangay Cogon para mamahagi ng face mask sa mga residente  bilang proteksyon laban sa abong mula sa bulkan.

Nabatid na itinaas na ng Phivolcs sa Alert level 1 ang nasabing bulkan

Sabayang pumadyak ngayong linggo sa Metro Manila ang isang libong siklista bilang panawagan upang umaksyon laban sa epekto ng climate change.

Kaisa nang walong probinsya sa bansa 11 pang bansa sa Asya, na nagdaos ng kaparehong event na “pedal for people and planet kabilang ang japan, south korea, malaysia at vietnam.

Nagsimula ang pag-arangkada ng mga siklista mula university of the Philippines Campus sa Quezon City papuntang Marikina.

Bukod sa advocacy talks, nagkaroon din sa naturang event ng libreng-bike lessons, kaya dinala ng ilang mga magulang ang kanilang mga anak para matuto.

Ang pedal for people and planet, at safe street event ay kaugnay ng world bike day na ipinadiriwang tuwing ikatlo ng Hunyo.

Matatandaang batay sa pinakabagong tala ng intergovernmental panel on Climate Change (IPCC), ang average annual global greenhouse gas emission o mga usok na galing sa mga sasakyan at pabrika ay nasa pinkamataas nang lebel sa nakalipas na dekada.

Sumipa sa limang beses ang presyo ng lithium na ginagamit sa paggawa ng mga rechargeable na baterya simula Abril nang nakaraang taon matapos tumaas ang demand mula sa mga automaker ayon sa ulat ng British research firm na Argus Media

Batay sa tala tumaas ang presyo nito na kadalasang kinakalakal sa Chinese Yuan sa humigit-kumulang 89,000 yuan o $13,200 bawat tonelada noong Abril noong nakaraang taon hanggang 486,000 yuan bawat tonelada.

Bukod sa lithium tumaas din ang presyo ng iba pang metals na ginagamit para sa paggawa ng baterya gaya ng cobalt at nickel bunsod ng sigalot sa pagitan ng Russia at Ukraine kung saan kilala ang Russia bilang pangunahing producer ng metal.

Patay ang isang taxi driver sa isang engkwentro matapos umanong mang-holdap ng isang pasahero sa Taguig City na may plakang ABG 8774.

Kwento ng pasaherong na-holdap, dinaan siya ng taxi driver sa isang madilim na lugar at saka idineklara ang “holdap”, agad-agad namang aniya ibinigay ang kaniyang cellphone at wallet.

Pagkababa ng biktima sa taxi, nakakita ito ng mga pulis at agad na humingi ng tulong at doon na nga hinabol ng awtoridad ang suspek.

Ayon kay P/Lt. Jogelyn Galvez, hepe ng kapulisan sa BGC, nakipagpalitan ng putok ng baril ang naturang suspek habang nauna umanong nagpaputok ito dahilan upang gumanti ng putok ang awtoridad na ikinasawi ng suspek.

Kasalukuyan pang iniimbestigahan ang pagkatao ng napatay na suspek.