Inapela ng Department of Migrant Workers (DMW) sa mga recruitment agencies na tulungan ang mga Overseas Filipino Workers (OFWs) na maaapektuhan ng flight cancellations dahil sa bagyong Betty.
Gaya na lamang ng mga OFWs na may flight ngayong Sabado at Linggo.
Kaugnay nito, siniguro naman ng ng OWWA na nakahanda itong tumugon sa pangangailangan ng OFWs.
Hinimok ni Cagayan Provincial Disaster Risk Reduction And Management Office (PDRRMO) Head Mr. Ruelie Rapsing ang mga mamamayan ng Cagayan na huwag magpapakampante.
Ito’y sa kabila na walang gaanong pag-ulan ang nararanasan sa lalawigan at bahagyang humina ang bagyong betty.
Ayon kay Rapsing, sa ngayon ay nakataas pa rin ang signal number 1 sa lalawigan at patuloy pa ring dapat mag-ingat ang bawat isa.
Asahan na ang dagdag-bawas sa presyo sa produktong petrolyo sa bansa sa susunod na linggo o sa Martes, Mayo a-23.
Inaasahang sisipa ang presyo ng kada litro ng gasolina mula P0.60 hanggang P0.90.
Habang maaaring tumaas din ng P0.40 hanggang P0.70 kada litro ang halaga ng diesel at inaasahang bababa naman ang presyo ng kerosene sa P0.20.
Nanawagan si Pangulong Ferdinand Bongbong Marcos Jr. sa publiko at sa local government units na magtipid ng tubig at kuryente lalo ngayong panahon ng tagtuyot o El Nino season.
Gaya na lamang ng pagtitipid ng tubig sa mga car wash, golf course at pagrerefill ng mga swimming pool.
Ayon sa pangulo, makatutulong ito sa pagpapanatili ng suplay at mahalaga ang partisipasyon ng bawat isa.
Ito’y habang pinaghahandaan din ng gobyerno ang paparating na la niña o matinding tag-ulan na may dala ring mga suliranin.
Nakakumpiska ng nasa 200 tangke ng LPG ang mga operatiba ng PNP ng Criminal Investigation and Detection Group sa compound sa Barangay Toro, Quezon City.
Kasabay ito ng ikinasang raid ng mga operatiba ng PNP-CIDG sa naturang iligal na kargahan o refill-an ng laman ng LPG sa bisa ng search warrant.
Bunsod nito kakaharap sa mga kaso operator o may-ari ng naturang compound.
Siniguro ni Senator Bong Revilla ang patuloy na nagkakaisang suporta ng partidong Lakas-CMD sa administrasyon ni Pangulong Ferdinand Marcos Jr.
Ito’y sa kabila ng isyu kaugnay sa pagpapalit kay dating Pangulong Gloria Macapagal-Arroyo bilang senior deputy speaker ng kamara at kasunod ng pagbibitiw ni Vice President Sara Duterte bilang miyembro at chairman ng partido.
Nabatid na si Arroyo na President Emeritus ng partido ay iniuugnay sa likod ng umano’y planong coup plot laban sa house speaker.
Magdagdag ng karagdagang exploration wells sa Malampaya gas facility.
Ito’y sa ilalim ng pag-renew sa kontrata ng Department of Energy (DOE) sa Malampaya gas facility ng karagdagang 15 taon.
Layunin ng naturang plano na madagdagan ang suplay ng enerhiya sa bansa sa gitna ng pagnipis ng suplay nito.
Ayon kay DOE Undersecretary Sandy Sales posibleng gumastos ng nasa 80 hanggang 90 million dollars ang kada exploration wells at nasa karagdagang 330 hanggang 360 million dollars naman ang posibleng magastos sa pagsasaliksik sa naturang mga balon para mapakinabangan.
Nagpaabot ng pasasalamat si Department of National Defense (DND) Officer in Charge Sr. Undersecretary Carlito Galvez Jr. sa pagsasabatas sa RA no. 11939 na nag-aamyenda sa batas na nagtatakda sa fixed-term ng mga opisyal ng Armed Forces of the Philippines (AFP) o ra 11709, kung saan gagawin na lamang dalawang taon mula sa kasalukuyang tatlong taon ang termino ng major service commanders.
Kabilang na dito ang mga commanding generals ng Philippine Army, Philippine Navy at Philippine Air Force at superintendent ng Philippine Military Academy.
Gayondin ang pagpapalawig pa ng isang taon sa serbisyo ng mga may ranggong 2nd lieutenant o mga itinalagang lieutenant general o vice admiral na mula sa dating edad na 56, magiging edad 57 na ang mandatoryong retirement age ng mga nabanggit na ranggo.
Kaugnay nito umaas si Galvez na mareresolba ng naturang batas ang mga hamon na kinahaharap ng AFP, partikular na ang demoralisasyon.
Aprubado na sa House Ways and Means Committee ang panukalang batas na magbibigay ng mas mabigat na parusa laban sa sangkot sa tax racketeering at syndicated tax fraud.
Habang suportado naman ito ni Bureau of Internal Revenue (BIR) Commissioner Romeo Lumagui Jr., na aniya’y malaking tulong para masugpo ang mga hindi nagpagbabayad ng tamang buwis at gumagamit ng mga pekeng resibo, returns o record na hindi bababa sa sampung milyong piso.
Kaugnay nito panawagan ng chairman ng naturang komite na si Albay 2nd District Rep. Joey Salceda na bumuo ng inter-agency task force na siyang maghahanap para sa department order ukol sa implementasyon ng run after fake transactions o raft program.
Back to normal na ang operasyon ng LRT-2 kahapon, matapos ang nangyaring sunog sa Doroteo Jose sa Sta. Cruz, Maynila malapit sa Recto Station.
Kung saan balik na ang biyahe mula Recto Station hanggang Antipolo Station.
Habang nanatiling hindi pwedeng madaanan ang connecting bridge mula Recto Station papuntang LRT-1 Doroteo Jose Station.
Dahil dito, pinaalalahanan ng LRTA ang mga pasahero, sa ibaba o sa kalsada muna dumaan habang isinasaayos pa ang nasabing tulay.