Tumaas pa ang presyo ng bulaklak sa Dangwa, mahigit isang linggo bago ang pagdiriwang ng Valentine’s Day o Araw ng mga Puso.
Mula sa dating 500 pesos na presyo ng isang dosenang rosas, umaabot na ito ngayon sa halagang 1, 200 pesos.
Nasa 300 pesos naman ang 10 tangkay ng carnation mula sa dating 180 pesos.
Samantala, asahan pa ang pagtaas ng presyo ng iba’t ibang bulaklak habang papalapit ang Valentine’s Day.
Naniniwala ang isang economic analyst na kakayanin ng pamahalaan na maipatupad ang Philippine Development Plan ngayong taon hanggang 2028.
Ito’y matapos aprubahan ni Pang. Ferdinand Marcos Jr. ang plano na magsisilbing guidelines sa pagbabalangkas ng mga hakbang na nais ipatupad ng kaniyang administrasyon.
Sa panayam ng DWIZ, iginiit ni U.P Professor Astro Del Castillo na makatutulong ang development plan na magabayan ang taumbayan at mga pribadong sektor.
Aniya, bago pa man ang pandemya ay may momentum na ang bansa kaugnay sa social economic indicators.
Ipinabatid naman ni Prof. Del Castillo na ang socio-economic agenda ay nagdidikta kung ano ang dapat gawin ng pamahalaan upang maabot ang mga plano nito para sa bansa.
Aabot sa tatlumpung tauhan ng Bureau of Corrections (BuCor) ang kasalukuyang iniimbestigahan matapos masangkot sa “money-handling scheme.”
Nabatid na nakumpiska sa mga jail guard at personnel ang mahigit P300,000 pera na ipinatago ng mga bilanggo.
Ayon kay BuCor Officer-in-Charge Gregorio Catapang Jr., inaalam pa nila kung saan gagamitin ng mga Person Deprived of Liberty (PDL) ang nasabing pera dahil pinapayagan lamang ang mga ito na tumanggap ng 2,000 piso kada araw.
Samantala, iginiit ni Catapang na magpapatupad ang ahensya ng reporma kaugnay sa magbibigay o magpapadala ng pera sa mga PDL.
Binigyang-diin ng isang grupo na ang mataas na halaga ng transport at fuel cost ang isa rin sa dahilan ng pagtaas ng presyo ng itlog sa bansa.
Ginawa ni Philippine Egg Board Chairman Gregorio San Diego ang pahayag matapos humingi ng paliwanag si Pangulong Ferdinand Marcos Jr. kaugnay sa “wide gap” ng presyo sa pagitan ng farm gate at retail price ng itlog.
Paliwanag ni San Diego, nagmahal ang krudo at toll fee na isa sa mga pangunahing gastos ng mga namimili sa farm gate lalo na kung ito ay mula pa sa malayo.
Tumaas din aniya ang presyo ng naturang produkto dahil hindi maiiwasang mabasagan nito habang nasa biyahe.
Una nang sinabi ng mga egg producer na ang mataas na presyo ng feeds at paglaganap ng bird flu sa ilang lugar sa bansa ang dahilan ng mababang produkyon ng itlog.
Sumampa na sa 39 ang bilang ng mga nasawi dahil sa pag-ulan at pagbaha dulot ng Low Pressure Area (LPA), northeast monsoon o amihan, at shear line.
Batay sa pinakahuling datos ng National Disaster Risk Reduction and Management Council (NDRRMC), siyam ang naitalang namatay sa Bicol region; 7 sa Eastern Visayas; 12 sa Zamboanga Peninsula; 8 sa Northern Mindanao; at tag-1 sa Davao region at Soccsksargen gayundin sa Mimaropa.
19 mula sa nasabing bilang ang naberipika na at 20 naman ang inaalam pa.
Nananatili sa 12 ang sugatan mula sa Mimaropa, Region 5, Region 9 at Region 10 at 5 ang nawawala.
Umabot naman sa 475,983 na pamilya o katumbas ng 1, 941,146 na indibidwal ang naapektuhan.
Nakapamahagi na rin ang pamahalaan ng 102, 126, 967 pesos halaga ng tulong sa mga biktima.
Samantala, pumalo na sa 858, 685, 135 pesos ang halaga ng pinsala sa sektor ng agrikultura habang aabot sa 430, 487, 624 pesos sa imprastruktura.
Pinag-aaralan ng Commission on Population (POPCOM) ang dahilan ng pagbaba ng bilang ng teenage pregnancy sa bansa.
Nabatid na naitala ng Philippine Statistics Authority (PSA) ngayong taon ang 5.4% o mababang bilang ng mga kabataang maagang nabubuntis mula sa 8.6% noong 2017.
Sa panayam ng DWIZ, sinabi ni POPCOM Deputy Executive Director Lolito Tacardon na tinitingnan nilang dahilan sa pagbaba ng teenage pregnancy ang COVID-19 pandemic.
Binigyang-diin naman ni Tacardon na ikinokonsidera nila ang kasalukuyang datos ng teenage preganancy bilang isang accomplishment.
Limitado na ang suplay ng lokal na produksyon ng galunggong sa ilang pamilihan sa bansa.
Ito ang iginiit ni Information Officer Chief Nazzer Briguera ng Bureau of Fisheries and Aquatic Resources (BFAR).
Sa panayam ng DWIZ, sinabi ni Briguera na inaasahan nila ito dahil sa ipinapatupad na close fishing season sa bahagi ng Palawan.
Tiniyak din niya na hindi magkukulang ang suplay ng galunggong na pwedeng mabili ng publiko dahil sa inangkat na 25,000 metric tons ng naturang isda para matugunan sakali mang magkulang.
Samantala, sinabi ni Briguera na dumating na sa bansa ang nasa 13,000 metric tons ng galunggong.
Muling nakatanggap ng parangal ang Filipina Actress na si Dolly De Leon para sa pagganap niya bilang Abigail sa pelikulang “Triangle of sadness.”
Nanalo si De leon ng best actress sa kaniyang supporting role sa Guldbagge Awards.
Maliban sa award, nasungkit ng nasabing pelikula ang best movie, best direction, best costume design at iba pa.
Nabatid na ginanap ang naturang awarding ceremony sa Sirkus sa Stockholm, Sweden.
Arestado ang anim na indibidwal na umano’y sangkot sa pagbebenta ng nakaw na Ready-To-Wear(RTW) overrun garmets sa Pasay City.
Ayon sa mga otoridad, naghain ng reklamo noong Enero 18 ang isang foreign businessman ukol sa ninakaw na 500 kahon ng damit sa kaniyang bodega na nagkakahalaga ng P5M.
Ito’y matapos makarating sa banyaga na ang mga nawawalang damit ay ibinibenta online ng mga magnanakaw kaya’t agarang nagsagawa ang mga pulis ng entrapment operation.
Nagpanggap na buyer ang saleslady ng businessman at nagkita sa Villamor, Pasay City kung saan dito na nahuli ang mga nasabing indibidwal.
Samantala, mahaharap sa kasong paglabag sa Presidential Decree no. 1612 o Anti-Fencing Law ang mga suspek.
Sumampa na sa 38 ang bilang ng mga nasawi dahil sa pag-ulan at pagbaha dulot ng Low Pressure Area(LPA), Northeast monsoon o Amihan, at Shear line.
Batay sa pinakahuling datos ng National Disaster Risk Reduction and Management Council (NDRRMC), walo ang naitalang namatay sa Bicol Region; pito sa Eastern Visayas; 12 sa Zamboanga Peninsula; 8 sa Northern Mindanao; at tag-isa sa Davao region at Soccsksargen gayundin sa MIMAROPA.
19 mula sa nasabing bilang ang naberipika na at 19 din ang inaalam pa.
Nakapagtala rin ang NDRRMC ng 12 sugatan mula sa MIMAROPA, Region 5, Region 9 at Region 10 habang nananatili sa lima ang nawawala.
Umabot naman sa 475,981 na pamilya o katumbas ng 1,941,146 na indibidwal ang naapektuhan.
Nakapamahagin na rin ang pamahalaan ng P99,910,494 halaga ng tulong sa mga biktima.
Samantala, nanatili sa P777,577,912 ang halaga ng pinsala sa sektor ng agrikultura habang pumalo na sa P280,297,224 sa imprastruktura.