Airiam Sancho

Pinayagan ng Bureau of Corrections ang Persons Deprived of Liberty (PDL) na limitadong gumamit ng gadget tulad ng cellphones o laptops upang makipag-usap sa kanilang mga kamag-anak o mahal sa buhay kung saan ito ay recorded.

Ayon kay BuCor Officer-In-Charge Gregorio Catapang Jr. Humingi siya ng pahintulot kay Justice Secretary Jesus Crispin Remulla kung saan kailangan pa nilang plantsahin ang hakbang kung paano mare-record ang mga pag-uusap upang maiwasan ang transaksyon ng iligal na droga na makapasok sa pasilidad.

Matatandaang umabot sa 500 cellphone sa ilalim ng oplan paglilinis ang nakumpiska ni Catapang sa unang linggo nito sa ahensya.

Kasalukuyang iniimbestigahan ng Philippine Statistics Authority (PSA) ang mga reklamo ng umano’y sirang National Id Cards.

Ayon kay Officer-In-Charge Fred Sollesta ng PHILSYS Registry Office, maaaring isauli sa ahensya ang mga physical card upang matingnan kung anong bahagi ng produksyon nila ang may poblema.

Kasabay nito, tiniyak ni Sollesta na magiging maayos na ang replacement procedure ng National ID.

Nabatid na habang hindi pa natatanggap ng iba ang physical cards ay maaari silang mag-request ng e-Phil ID o ang digital version nito.

Nasa P300-M ang ‘umano’y ibinulsa ni Suspended BuCor Chief Gerald Bantag at iba pa, na sangkot sa hindi natapos na proyekto para sa pagtatayo at pagsasaayos ng mga bilangguan sa bansa.

Ayon kay Bureau of Corrections Officer-In-Charge Gregorio Catapang Jr. P 900 -M ang inilaang pondo para sa konstruksyon ng prison facilities sa Leyte, Davao, at Palawan at 100-M para sa pagre-repair ng correctional institution for women.

Iginiit pa ng opisyal na 60% lamang ang nakumpleto sa naturang proyekto mula sa nakuhang 95% na bayad para rito.
Nabatid na nagsimula ang repair at construction sa mga nasabing lugar noong 2022 at nakatakda sanang matapos noong August 2022.

Matatandaan sinabi rin ni Catapang na magsasampa siya ng kasong plunder laban kay Bantag bago matapos ang taong ito o sa unang bahagi ng taong 2023.

Hiniling ng isang senador na pagkatiwalaan ang ginawang pag-veto ni Pangulong Ferdinand Marcos Jr. Sa ilang probisyon ng 2023 National Budget.

Kabilang dito ang probisyon na may kaugnayan sa Department of Labor and Employment (DOLE) National Labor Relation Commission (NLRC), revolving fund ng Department of Education (DepEd),tv at rebranding program ng Department of Tourism (DOT).

Aminado naman si Senate Majority Leader Joel Villanueva na bahagi ng kapangyarihan ng pangulo ang pag-veto sa ilang probisyon ng General Appropriations Act (GAA).
Kaya’t sa pagkakataong ito aniya ay dapat respetuhin at magtiwala sa desisyon ng pangulo.

Inatasan ni Pangulong Ferdinand Marcos Jr., na nagsisibili ring kalihim ng Department of Agriculture (DA) ang ahensya na pabilisin ang importasyon ng libo-libong metrikong tonelada ng asukal.

Ito ay para mapanatili ang mababang presyo ng produkto at matugunan ang mataas na inflation rate.

Sa ilalim ng DA memorandum order no. 77, series of 2022, na nilagdaan ni Agriculture Senior Undersecretary Domingo Panganiban kahapon, Disyembre 20, 2022, ipinatawag ang minimum access volume advisory council para sa pag-aangkat ng 64,050 metric tons ng refined sugar.

Ang MAV ay tumutukoy sa volume o bilang ng specific agricultural product na inaangkat na may mababang taripa.

Magsasampa ng kasong plunder si Bureau of Corrections (BuCor) officer-in-charge Gregorio Catapang Jr. Laban kay suspended BuCor Chief Gerald Bantag.

Ayon kay Catapang, ito’y dahil 60 % lamang ng mga bilangguan na ipinatayo ng ahensya ang natapos mula sa 95% na pondong kanilang nakuha.

Aniya, nasa P1-B ang pera ng gobyerno para sa pagpapagawa ng nasabing gusali para mapaluwag ang mga prison cell.
Wala pa rin aniyang mga bubong ang mga establisyemento kaya’t paano papatirahin ang mga persons deprived of liberty doon.

Nabatid na nasuspinde si bantag kasunod ng pagkamatay ni Jun Villamor, ang inmate na umano’y middleman sa pagpatay sa broadcaster na si Percy Lapid.

Nanawagan ang isang transport group sa Land Transportation Franchising and Regulatory Board (LTFRB) na suriin ang automatic fare adjustment sa gitna ng taas-presyo ng petrolyo.

Ayon kay National President Boy Rebaño ng Federation of Jeepney Operators and Drivers Association of the Philippines (FEJODAP), dapat ibase ng ahensya ang desisyon sa memorandum circular no. 2019-035

Sa ilalim nito, dapat isaalang-alang sa formula ng pamasahe ang mga sumusunod:
official report ng Department of Energy sa presyo ng petrolyo

Total operating at maintenance cost base sa survey, pag-aaral, at imbestigasyon na isinagawa ng LTFRB kasama ang mga operator, driver at iba pa, at base fare bago ang gagawing adjustments.