![GULAY supermarket palengke]](https://www.dwiz882am.com/wp-content/uploads/2021/01/GULAY-supermarket-palengke.jpg)
Iminungkahi ng isang ekonomista sa taumbayan na gamiting maigi ang resources ng bansa upang matugunan ang inflation o tumataas na presyo ng mga bilihin.
Sa panayam ng DWIZ, sinabi ni economist Astro Del Castillo na dapat ding suriin ng taumbayan ang mga gastos nito sa araw-araw.
Binigyang-diin naman ni Castillo ang kahalagahan ng pagkakaroon ng mga oportunidad na makatutulong sa mga Pilipino kaugnay sa negosyo.
Nasa 1,000 Pilipinong nurse ang napektuhan ng ikinasang strike laban sa dalawang ospital sa New York City.
Nabatid na nagsagawa ng strike ang mahigit 700 nurse sa Montefiore Medical Center sa Bronx at Mount Sinai Hospital sa Manhattan matapos na hindi magkasundo ang pamunuan ng New York State Nurses Association (NYSNA) at dalawang ospital kaugnay sa pagdaragdag ng staff.
Ayon kay NYSNA executive committee Lorena Vivas, layunin nila na matiyak na mayroon silang sapat na staff upang makapagtrabaho ng maayos dahil mahigit 500 aniya ang nabakante sa posisyon.
Samantala, nakipag-ugnayan na ang Department of Health at human resource sa dalawang ospital kaugnay sa naturang isyu.
Pumalo sa mahigit 500,000 ang mga debotong lumahok sa pagdiriwang ng pista ng itim na Nazareno ngayong araw.
Sa datos ng Philippine National Police (PNP) , nasa 401, 500 deboto ang nagtungo sa Quiapo Church habang 122, 630 Naman Sa Quirino Grandstand.
Nabatid na 3 taon nahinto o nakansela ang traslacion dahil sa COVID-19 pandemic.
Sa halip, pinahintulutan lamang ang mga misa at paglahok sa worship activities sa Quiapo at Quirino Grandstand.
Mahigit 90% ng populasyon sa isang lalawigan sa china ang naapektuhan ng COVID-19.
Ayon kay Henan Province Health Commission Director Kan Quancheng, nasa 88.5 million katao mula sa 99.4 million ang nagpositibo sa COVID-19 sa kanilang lugar.
Mababatid na muling sumirit ang COVID-19 cases sa china matapos alisin ang lockdown, quarantine at mass testing.
Nagbigay pugay o tribute ang Mixed Martial Arts (MMA) world sa pumanaw na MMA star na si Victoria “The Prodigy” Lee sa edad na 18.
Ayon kay Asia based one MMA Championship Chief Chatri Sityodtong, ikinalungkot niya ang pagkamatay ni Lee.
Si Lee ay mula sa pamilya ng champion sa MMA fighters.
Nabatid na ang mga kapatid nito na si Angela ay one championship atomweight world title habang si Christian naman ay one lightweight title holder.
Umabot na sa mahigit 16 milyon ang bilang ng mga rehistradong sim card.
Sa datos ng National Telecommunications Commission ngayong araw, January 9, 2023, sinabi ng Department of Information and Technology (DICT) na ang naturang numero ay 9.56 %mula sa 170 million kabuuang sims sa bansa.
Naitala ng smart communications incorporated ang 7, 584 , 321 registered sim cards, 7 , 137 767 naman sa Globe habang 1 , 428 ,841 sa DITO Telecommunity.
Muli namang hinimok ng ahensya ang publiko na magparehistro ng kani-kanilang sim card bago ang deadline o 180 days na itinakda ng NTC.
Naging mapayapa at maayos ang pagdiriwang ng pista ng Poong itim na Nazareno, ngayong araw.
Ito ang inisyal na pahayag ni Atty. Princess Abante, tagapagsalita ng Office of the Mayor sa lokal na pamahalaan ng maynila, kaugnay sa pagbabantay sa bahagi ng simbahan ng Quiapo at Quirino Grandstand.
Aniya, “Very peaceful and orderly” ang pista sa kasalukuyan.
Batay sa latest report ng Manila Disaster Risk Reduction and Management Office (MDRRMO), walang naiulat na emergencies.
Samantala, tiniyak ni Abante, na naka-standby pa rin ang lahat ng Emergency at Security Teams sa Quiapo at Quirino Grandstand.
Pinaghahanda ng National Service (NWS) ang mga residente ng California dahil sa paparating na sunod-sunod na bagyo.
Ayon sa Weather Buraru, posibleng maapektuhan nito ang Northern at Central California na makararanas ng matinding pag-ulan at pagbagsak ng makapal na nyebe(snow).
Nabatid na 6 na katao na ang namatay sa naturang lugar dahil sa masamang panahon.
Mahigit 400,000 kabahayan din ang nawalan ng suplay ng kuryente.
Target ng Department of Agriculture(DA) na mag-angkat ng sibuyas bago mag-Pebrero.
Ayon kay DA Assistant Secretary Rex Estoperez, ito’y dahil hindi pa nila nakikitang bababa ang presyo ng nasabing produkto sa mga susunod na linggo.
Bagama’t may 19 na metrikong tonelada ng sibuyas na papasok sa Enero 15, mataas pa rin aniya ang farm gate price sa mga sibuyasan sa Tarlac at Nueva Ecija.
Binigyang-diin naman ni Estoperez na ang hakbang ng pamahalaan na mag-angkat ng 22 metrikong tonelada ng sibuyas bago mag-pebrero ay upang mapababa ang farm gate price sa P250 kada kilo.
Palalakasin pa ng Australia ang defense capabilities nito sa pamamagitan ng pagbili ng advanced missile at rocket system na nagkakahalagang 700 milyong dolyar.
Kabilang sa mga equipment na bibilhin ang M142 High Mobility Artillery Rocket Systems (HIMARS) na gawa sa US at tulad din ng ginagamit sa Ukraine.
Sinabi pa ng Australian government na ang rocket system na kanilang bibilhin ay may kasamang launchers, missiles, at training rockets na maaaring magamit hanggang taong 2026.
Nabatid na pumirma rin ang Australia ng kontrata sa Norway para bumili ng naval strike missiles.