Airiam Sancho

Pinaalalahan ng Manila Police District (MPD) ang publiko at mga deboto kaugnay sa pista ng itim na Nazareno sa January 9, 2023.

Sa panayam ng DWIZ, sinabi ni MPD Director Police Brigadier General Andre Dizon na huwag nang magdala ng mga sasakyan dahil may mga kalsada na maapektuhan ng aktibidad.

Aniya, mayroon silang ipatutupad na road closure sa ilang bahagi ng metro manila para bigyang daan ang pista ng Nazareno.

 Unang-una po sir may road closure po tayo, kaya kung pupwede huwag na lang magdala ng sasakyan, maghanap ng free parking na secure ang kanilang sasakyan po sir, huwag basta basta magpark kasi tayo ay may mga no parking na area. Ngunit pwede naman po silang mag-avail ng mga transport services para hindi po sila maabala at kung pupunta naman po doon sir, ang pinapadala lamang po natin ay ang mga religious item na hand carry lang po kasama na po doon ang mga imahe na mabibitbit lamang po nila bawal na bawal po ang life size image na dadalhin nila sa Quiapo at grandstand”.

Ang tinig ni MPD Director Police Brigadier General Andre Dizon, sa panayam ng DWIZ

Patuloy na inaayos ng Department of Transportation (DOTr) ang naging epekto ng aberya sa air traffic control system ng NAIA noong unang araw ng enero ng taong ito.

Sa panayam ng DWIZ, sinabi ni DOTr Secretary Jaime Bautista na balik-normal na ang operasyon sa NAIA Terminal 1 at 2.

 Nag-normalize na tayo dito sa terminals 1 at saka terminal 2, sa terminal 3 at 4 ay mayroon pang konting congestion, ito ay epekto ng pagcacancel ng mga flights noong January 1 na ngayon palang nakakarecover,mas maraming pasahero dito sa dalawang  terminal na ito kaya naman ang congestion dito ay nandyaan pa rin”.

Iginiit naman ni Bautista na natunton na nila ang dahilan ng technical glitch pero kailangan pa ito aniyang pag-aralang mabuti.

 Pinag-aaralan namin or iniimbestigahan kung bakit hindi gumana ang pangalawang UPS nung bumigay ang UPS na ginagamit kasi ito ang back-up, dapat dito ay naging automatic iyong pagtransfer ng power from UPS to another. Iyong pangalawang dahilan naman ay kung bakit 380 volts ang pumasok doon sa UPS and ang lumabas ay 380 volts din”.

Ang tinig ni DOTr Secretary Jaime Bautista, sa panayam ng DWIZ

Hinimok ni Former Socioeconomic Plannning Secretary Ernesto Pernia ang pamahalaan na palakasin pa ang sektor ng agrikultura sa bansa para matugunan ang tumataas na presyo ng bilihin.

Nabatid na pumalo na sa 8.1 % noong December 2021 ang inflation rate dahil sa mataas na presyo ng mga pangunahing bilihin tulad ng sibuyas, karne, asukal, isda, harina at iba pa.

Giit pa ni Pernia, kailangang pagtuunan ng pansin ng gobyerno ang nasabing sektor gaya ng ginagawa ng ibang bansa.

Sa datos, nasa 2- 3 % lamang ang kontribusyon ng agrikultra sa ekonomiya ng Pilipinas.

Tuloy pa rin ang 5% premium rate hike ng PhilHealth sa 2024 sa ilalim ng Universal Health Care (UHC) kahit na hindi sabihin ni Pangulong Ferdinand Marcos Jr.

Ginawa i-PhilHealth Acting Vice President for Corporate Affairs Rey Baleña ang pahayag matapos ipasuspinde ni Marcos ang premium rate hike na 4.5% mula sa 4% para sa taong ito.

 Gayundin ang adjustment sa income ceiling sa 90,000 mula sa 80,000.

 Nagpahayag naman ng pag-asa si Baleña na maamyendahan ng kongreso ang UHC sa 2024, kaugnay ng pagsuspinde sa pagtaas ng premium rates para sa taong ito.

Naniniwala ang mayorya sa mga pilipino na dapat makipagtulungan ang Administrasyong Marcos sa Estados Unidos upang palakasin ang security cooperation ng National Sovereignty sa West Philippine Sea.

Batay sa resulta ng Pulse Asia Survey na isinagawa noong November 27 hanggang December 1, 2022, 84 % ng mga pinoy ang naniniwala na dapat makipag-ugnayan ang administrasyon sa US, 52% sa Japan, 25% sa Australia, 24% sa United Kingdom.

23% naman sa South Korea, 20% sa China at European Union, 17 % sa Russia, 12% sa France at 2% sa India.

Samantala, ipinapakita ng survey na kailangang patuloy na makipagtulungan ang Pilipinas sa mga ka-alyado nitong bansa upang matugunan ang mga isyu at insidente sa West Philippine Sea.

Mahigit 700 tauhan ang itatalaga ng Metropolitan Manila Development Authority (MMDA) para sa pista ng itim na nazareno 2023.

Ayon sa ahensya, nasa 730 personnel ang idedeploy nila para tumulong sa traffic management at clearing operations mula January 6 – 9.

Anila, mula sa Sidewalk Clearing Operations Group (SCOG) ang itatalaga sa crowd control

Nakatakda namang tumulong sa pagmamando ng trapiko ang Western Traffic Enforcement (WTED) habang ang Metro Parkways Clearing Group (MPCG) naman ang magdedeploy ng street sweepers upang mapanatili ang kalinisan sa lugar.

Samantala, nasa 5 milyong deboto ang inaasahang makikilahok sa walk of faith procession ng itim na Nazareno sa January 8.

Wala pang naitatalang banta sa seguridad ang Manila Police District (MPD) kaugnay sa paghahanda sa Nazareno 2023.

Ayon ito kay MPD Director Brigadier General Andre Dizon sa ginanap na press conference para sa kapistahan ng pooing itim na Nazareno sa Enero 9 .

Aniya, nasa 3,000 tauhan ng ahensya ang ipakakalat nila sa buong paligid ng Quiapo at Quirino Grandstand maliban pa sa dalawang libong karagdagang pwersa mula sa National Capital Region Police Office (NCRPO).

Tiniyak naman ni Dizon na 24/7 ang kanilang pagbabantay upang masiguro ang kaligtasan ng mga deboto at ng publiko.

Wala pang naitatalang banta sa seguridad ang Manila Police District (MPD) kaugnay sa paghahanda sa Nazareno 2023.

Ayon ito kay MPD Director Brigadier General Andre Dizon sa ginanap na press conference para sa kapistahan ng pooing itim na Nazareno sa Enero 9 .

Aniya, nasa 3,000 tauhan ng ahensya ang ipakakalat nila sa buong paligid ng Quiapo at Quirino Grandstand maliban pa sa dalawang libong karagdagang pwersa mula sa National Capital Region Police Office (NCRPO).

Tiniyak naman ni Dizon na 24/7 ang kanilang pagbabantay upang masiguro ang kaligtasan ng mga deboto at ng publiko.