Angelica Doctolero

Sang-ayon si Senator Robin Padilla sa naging pahayag ni senator Ronald “Bato” Dela Rosa, Chairman ng Senate Public Order and Dangerous Drugs Committee na bitayin ang mga pulis at sundalong masasangkot sa krimen at iligal na droga.

 Matatandaang sa naging pahayag ni Sen. Dela Rosa sa DWIZ, kaniyang idiin na hindi dapat kaawaan ang mga nasasangkot na pulis dahil sinisira nito ang pangalan ng kagawaran at tiwala ng taumbayan.

 Sa naging panawagan naman ni Sen. Padilla, dapat patawan ng death penalty ang mga security personnel na masasangkot sa krimen sa bansa.

 Ayon sa senador, hindi gaya ng mga teroristang grupo, ang mga pulis at sundalo ay dumaan sa tamang orientation, at tamang ideology o doktrina.

 Iginiit pa ni Sen. Padilla, na mayroong sinumpaang tungkulin ang mga alagad ng batas kung saan, nangako silang ipagtatanggol ang taumbayan at bansa.

Pumalo na sa 1.5 million na foreign arrivals ang naitala ng pilipinas ngayong taon.

Ito ang inihayag ng Department of Tourism (DOT) kasunod ng pagdagsa ng mga dayuhang Koreano sa bansa nito lamang nakaraang linggo na umabot sa 1,400.

Ayon sa DOT, ang Korean nationals mula sa South Korea ang top tourist sa bansa ngayong 2023.

Mas mataas ito kumpara sa naitalang bilang ng mga Koreano na dumating sa Pilipinas noong nakaraang taon na sinundan ng united states bilang 2^nd top source market ng bansa.

Matatandaang bago magpandemya, ang Korea ang numero unong visitor arrivals ng Pilipinas noong 2019 na umabot sa halos dalawang milyon.

Binigyang-diin ng Pilipinas na hindi na gagamit ng 2^nd hand military equipment ang bansa na donasyon mula sa Estados Unidos.

Ayon kay Philippine Ambassador to US Jose Manuel Romualdez, hindi na interesado ang pilipinas na tumanggap ng mga kagamitan mula sa amerika dahil karamihan dito ay nagagamit lamang ng ilang taon.

 Matatandaang taong 2017 nang ihayag ni dating pangulong rodrigo duterte, na hindi na tatanggap ang bansa ng nasabing equipment na tinatawag na excess defense articles.

 Sinabi ni Ambassador Romualdez, na sa halip na equipment, magbibigay na lamang ng access ang us sa bansa upang makabili ng mga bagong defense military equipment.

Halos 2,000 pasahero ang stranded sa mga pantalan sa Bicol region dahil sa epekto ng tropical depression Amang.

Batay sa datos ng Philippine Coast Guard (PCG), 1,918 ang kabuuang bilang ng mga pasaherong naantala ang biyahe sa dalawang pantalan kabilang na ang Sorsogon at Albay dahil sa masamang panahon.

Kinansela rin ang nasa 258 na biyahe mula sa Matnog Port; 54 sa Pilar Port; 275 sa Pioduran, Albay; at 14 naman sa Tabaco, Albay.

Samantala, hindi rin pinapayagang pumalaot sa baybaying dagat ang mga mangingisda maging ang maliliit na sasakyang pandagat para masiguro ang kaligtasan at seguridad sa gitna ng epekto ng bagyo.

Halos 500 pasahero ang nananatiling stranded sa mga pantalan sa Northern Samar bunsod ng tropical depression Amang.

 Sa datos ng Philippine Coast Guard (PCG), tanging dalawang pantalan lamang ang ginagamit ng mga pasahero sa nasabing lalawigan pauwi sa Luzon.

 Samantala, hindi narin pinapayagan ng PCG maging ang pagpalaot ng mga mangingisda at paglalayag ng mga maliliit na sasakyang pandagat upang maiwasan ang insidente dulot ng masamang panahon.

 Sa ngayon, naghahanda na ang lokal na pamahalaan sa northern samar kabilang na ang ipapamahaging food packs sa mga maaapektuhang residente sakaling lumala ang epekto ng bagyo.

Iginiit ni dating Presidential Spokesperson Atty. Harry Roque, na magkakaroon lamang ng malaking epekto sa buong mundo, sakaling maganap ang bakbakan sa pagitan ng China at Taiwan.

 Ayon kay Atty. Roque, sakop ng South China Sea ang Taiwan na siyang pinagkukuhanan ng produksiyon ng langis ng China, Japan, at iba pang bansa.

 Binigyang-diin ng dating presidential Spokesperson na hindi magagamit sa anumang “aggressive stance” o mga banta at iba pang uri ng pag-atake ang mga itinayong EDCA sites dahil hindi hawak ng Pilipinas ang mga nais o desisyon ng US.

Iginiit ni dating Presidential Legal Counsel Atty. Salvador Panelo, na dapat maging neutral o walang pinapanigan ang Pilipinas kaugnay sa isyu ng China at US.

Ayon kay Atty. Panelo, kung nais na maging “friends to all, enemy to none” ng bansa, kailangang maipakita na walang kinakampihan ang Pilipinas.

Posible kasing madamay ang Pilipinas sa away ng dalawang bansa kung saan, maaring atakihin ng China ang mga EDCA sites na itinayo ng US sa bansa.

Sinabi pa ni Atty. Panelo, na maaring mapaikli ang kontrata at mapatanggal ang mga military bases sa bansa.

Sa kabila nito, binigyang diin ng Atty. Panelo na tataas ang antas ng ekonomiya dahil sa makukuhang benipisyo mula sa mga lugar na tatayuan ng EDCA.

Suportado ng Malaysia ang Pilipinas sa karapatan at interes ng soberanya nito sa West Philippine Sea (WPS).

 Kasunod ito ng pahayag ng China na nababahala sila sa energy projects ng malaysia sa bahagi ng WPS.

 Nabatid na ang WPS ay bahagi din ng teritoryo ng Malaysia na inaangkin ng China kung saan, libu-libong barko na ang namataang nagsasagawa ng aktibidad sa nasabing lugar.

 Ayon kay Malaysian Prime Minister Anwar Ibrahim, kanilang poprotektahan ang Pilipinas at bukas sila sa pakikipag negosasyon sa China.

 Nagpapakita lamang ito na nais ng Malaysia na maresolba ang lahat ng isyu na may kaugnayan sa wps sa maayos at mapayapang pamamaraan.

Handa nang umuwi ng Pilipinas si Negros Oriental 3rd District Representative Arnolfo Teves Jr. kasunod ng pagtiyak ni Pangulong Ferdinand “Bongbong” Marcos Jr. sa kaniyang kaligtasan.

Nabatid na muling naglabas ng pahayag si Cong. Teves kasunod ng naging pahayag ni PBBM na walang kinalaman sa e-sabong ang kaso ng kongresista kundi tungkol sa kinakaharap nitong murder case.

Ayon kay Cong. Teves, matagal na siyang nanawagan ng tulong sa pangulo dahil alam na niyang magiging planted ang gagawing operasyon ng mga otoridad sa kaniyang bahay.

Bukod pa dito, nilinaw din ng kongresista ang dahilan kung bakit siya nanatili sa ibang bansa at hindi umuwi ng pilipinas.

Sinabi pa ni cong. Teves na walang problema kung isama sa mga iniimbestigahan kaugnay sa degamo slay case pero iginiit na hindi tama na siya lang ang idiin sa kaso.

Nilinaw naman ng kongresista na hindi niya tatanggihan ang pangulo sa hiling nito na umuwi na ng bansa, dahil sigurado siya sa pangako ni pbbm para sa kaniyang kaligtasan.

Inihayag ni Davao del Norte 1^st District Rep. Pantaleon Alvarez, na posibleng maging exporter ng marijuana ang Pilipinas sakaling ito ay maisabatas.

 Kasunod ito ng House Bill 6783 na inihain ni Surigao del Norte 2^Nd District Rep. Robert Ace Barbers, Chairperson ng House Committee on Dangerous Drugs, na may layuning alisin ang marijuana sa listahan ng mga dangerous drugs sa bansa.

 Ayon kay Barbers, ang cannabis oil ay makatutulong sa mga pasyenteng may malubhang karamdaman.

 Agad naman itong tinutulan ng Department of Health (DOH) dahil posible itong magdulot ng panganib sa publiko.

 Kumpiyansa naman si Alvarez, na ito ang magiging solusyon sa rice smuggling sa Pilipinas sakaling payagan ang mga magsasaka na magtanim ng marijuana.