Author

Angelica Doctolero

Jenn Patrolla

King cobra, natagpuan sa loob ng cabinet ng isang eskwelahan sa Cagayan

Isang king cobra ang natagpuan sa loob ng cabinet sa isang eskwelahan ng Balao Elementary School sa Solana, Cagayan.

Ayon sa Cagayan Provincial Information Office, isang tawag ang kanilang natanggap matapos matagpuan ng isang guro ang isang uri ng ahas habang naglilinis ng kanilang silid aralan.

Mabilis na rumesponde ang mga tauhan ng Department of Environment and Natural Resources (DENR-Region 2) para hulihin ang venomous king cobra na may habang isa punto apat na metro.

Ligtas naman ang mga estudyante maging ang mga guro sa naturang paaralan habang agad ding pinakawalan ng mga tauhan ng denr ang nahuling ahas malayo sa lugar ng mga tao.

January 13, 2023 0 comment

HEADLINES NATIONAL NEWS

Globe Telecom, nagbabala sa publiko hinggil sa mga nag-o-offer ng assistance online para sa sim registration

written by Angelica Doctolero

Binalaan ng Globe Telecommunications Company ang kanilang mga customer kaugnay sa mga nag-o-offer ng assistance online para sa sim registration.

Kasunod ito ng kumakalat sa social media na may ilang indibidwal ang nag-aalok ng kanilang serbisyo na babayaran ng mga customer.

Ayon sa Globe Telecom, dapat iwasan ng publiko ang mga nag-aalok online para sa pagpaparehistro dahil hinihingi ng mga ito ang personal na impormasyon ng mga subcribers partikular na ang larawan ng mga valid id, araw ng kapanganakan, cellphone number at address ng bahay.

Sinabi ng Globe Telecom, na kailangang maprotektahan ng mga sim users ang kanilang data security at privacy kung saan, libre naman at walng bayad ang pagpaparehistro ng mga sim card.

Iginiit pa ng naturang kumpaniya na delikado ang pagbibigay ng impormasyon lalo na kung hindi naman ito kakilala dahil maaaring gamitin sa panloloko ang identity ng mga subcriber katulad nalang ng pangungutang at pagnanakaw.

Sa 87.9 milyong sims na gumagamit, mahigit pitong milyon ang nakapagrehistro na sa ilalim ng globe network.

Maari namang bisitahin ang kanilang official website para sa rehistrasyon at sa iba pang mga katanungan.

Ang deadline ng sim registration ay magtatapos sa April 26, 2023; kaya pinapayuhan ang mga sim customer na magrehistro na upang hindi ma-deactivate ang inyong mga sim card.

January 13, 2023 0 comment

HEADLINES NATIONAL NEWS

Mahigit 100 mga pulis, hindi pa nakakapagsumite ng courtesy resignation

written by Angelica Doctolero

Mahigit 100 mga general at colonels ang hindi pa nakakapagsumite ng kanilang courtesy resignation.

Ito ang inihayag ni Interior Secretary Benhur Abalos, Jr., kung saan, sa kabuoang 956 high-ranking officials ng Philippine National Police (PNP), mayroon pang 113 na mga pulis ang hindi pa nakakapagfile.

Ayon kay Abalos, hinihintay pa nila ang tugon ng mga pulis partikular na ang mga nakatalaga sa Visayas at Mindanao hinggil sa mga sangkot sa illegal drug trade.

Sinabi ng kalihim na kanilang lilinisin ang ninja cops sa hanay ng PNP dahil kabilang sa mga nasasangkot ang mga opisyal na may mataas na puwesto.

Nabatid na ang mga isinumiteng courtesy resignation ay sasalain ng 5-man committee na magsusumite naman ng rekomendasyon kay Pangulong Ferdinand “Bongbong” Marcos Jr., para desisyonan kung tuluyang sisibakin sa serbisyo ang sinumang mapapatunayang sangkot sa iligal na droga.

January 13, 2023 0 comment

ENTERTAINMENT

Vilma Santos, nadapa sa intro ng kaniyang pagba-vlog; pagiging natural ng aktres, ikinatuwa ng mga netizen

written by Angelica Doctolero

Ikinatuwa ng mga netizen ang pagiging natural ng star for all season na si Vilma Santos.

Kasunod ito ng Youtube vlog ng aktres kung saan, nadapa sa intro si ate V pero hindi ito nagpaawat at nagpatuloy lang sa pagvivideo.

Ayon sa mga netizen, naghatid ng goodvibes sa mga viewers ang pagiging totoo, makulit, at masayahin ni vilma.

Bukod pa dito, nainspired din ang mga netizen dahil ipinapakita ni ate V ang pagmamahal at pagiging mabuting ina, asawa, kaibigan, aktres at politician nito dahilan ng strong relationship ng kaniyang pamilya.

January 13, 2023 0 comment

SPORTS

Filipino citizenship ni Ginebra Import Justin Brownlee, pinirmahan na ni PBBM

written by Angelica Doctolero

Pinirmahan na ni Pangulong Ferdinand “Bongbong” Marcos Jr., ang isang batas na nagbibigay kay Ginebra Import Justin Brownlee para maging isang Filipino citizen.

Batay sa House Bill 6624 o ang Republic Act 11937 na nilagdaan ni PBBM, isa nang mamamayan ng Pilipinas ang American basketball player na si Brownlee.

Ikinatuwa naman ng atleta, ang pagkakataong ibinigay ng pangulo at nangakong mas pagbubutihin pa ang paglalaro sa larangan ng pampalakasan para sa karangalan ng bansa.

Nakatakdang lumahok sa buwan Pebrero para sa ikaanim at huling window ng FIBA World Cup Asian Qualifiers si Brownlee sa ilalim ng Gilas Pilipinas men’s basketball team laban sa Lebanon at Jordan na gaganapin sa Philippine Arena.

January 13, 2023 0 comment

INTERNATIONAL NEWS

45 patay habang 11 sugatan sa pag-atake ng mga militanteng grupo sa West Africa

written by Angelica Doctolero

Patay ang labing apat na sundalo habang sugatan naman ang labing isang indibidwal sa pag-atake ng mga militanteng grupo sa West Africa.

Nabatid na sumiklab ang kaguluhan matapos sumabog ang dalawang bomba sa ilang lugar sa central mali kung saan, tatlumput isang terorista pa ang nasawi.

Ayon sa mga otoridad, posibleng mga miyembro ng islamist militants ang nasa likod ng pagpapasabog na ngayon ay patuloy pang iniimbestigahan ang naganap na insidente sa lugar.

Matatandaang unang naitala ang insidente taong 2012 dahilan para patuloy na nakikipaglaban ang mga militar sa pag-asang mapapalayas sa lugar ang mga terorista.

January 13, 2023 0 comment

NATIONAL NEWS

Low pressure area, namataan sa silangang bahagi ng Hinatuan, Surigao del Sur

written by Angelica Doctolero

Patuloy paring minomonitor ng Pagasa weather bureau ang low pressure area na namataan sa loob ng Philippine Area of Responsibility (PAR) sa layong 130 kilometers silangang bahagi ng Hinatuan, Surigao Del Sur.

Ayon kay Pagasa weather specialist Daniel James Villamil, maliit parin ang tiyansa na maging bagyo ang namataang lpa sa susunod na dalawamput apat na oras.

Ang northeast monsoon o hanging amihan parin ang umiiral sa malaking bahagi ng bansa kaya makakaranas ng maulap na kalangitan na may kalat-kalat na pag-ulan, pagkulog at pagkidlat sa bahagi ng Bicol Region, Romblon, Visayas at hilagang bahagi ng Mindanao partikular na ang Zamboanga Peninsula, Northern Mindanao, at Caraga Region.

Apektado ng pag-ulan ang mga lalawigan sa eastern at central visayas, at negros occidental kaya pinag-iingat ng pagasa ang mga residenteng nakatira sa mga nabanggit na lugar.

Asahan din ang maulap na kalangitan sa silangang bahagi ng Luzon habang magiging maaliwalas naman ang panahon sa kanlurang bahagi ng Luzon maging ang Metro Manila ganun din sa timog bahagi ng Mindanao partikular na sa BARMM, Soccsksargen, at Davao Region.

Patuloy paring maging alerto at makinig sa mga abiso ng lokal na pamahalaan kaugnay sa lagay ng panahon; doblehin ang pag-iingat lalo na sa posibleng pagbaha at pagguho ng lupa dulot ng mga pag-ulan; magdala ng payong at iba pang panangga para sa biglaang pagbuhos ng ulan.

Agwat ng temperatura sa Metro Manila ay maglalaro sa 23 hanggang 30 degrees celsius habang sisikat ang haring araw mamayang 6:24 ng umaga at lulubog naman ito mamayang 5:45 ng hapon.

January 13, 2023 0 comment

HEADLINES NATIONAL NEWS

Morale ng mga tauhan ng AFP, nananatiling mataas – DND

written by Angelica Doctolero

Iginiit ng Department of National Defense (DND) na nananatiling mataas ang morale ng mga tauhan ng Armed Forces of the Philippines (AFP).

Ayon kay Defense Undersecretary Angelito De Leon, magpapatuloy ang pagiging loyal at professional ng mga kawani ng ahensya sa kabila ng pagbitiw sa puwesto ng ilang opisyal sa AFP at DND.

Iginiit ni De Leon na patuloy rin ang pakikipag-ugnayan ng DND sa AFP sa ilalim ng pamumuno ng bagong Defense Secretary na si Carlito Galvez Jr. para lalong mapalakas ang security plans sa panloob at panlabas na seguridad ng bansa.

January 12, 2023 0 comment

NATIONAL NEWS

Imbestigasyon sa umano’y sabwatan ng DA at mga kooperatiba hinggil sa presyo ng sibuyas, sinimulan na ng Ombudsman

written by Angelica Doctolero

Sinimulan na ng Office of the Ombudsman ang motu proprio investigation sa umano’y sabwatan sa pagitan ng mga tauhan ng Department of Agriculture (Da) at isang kooperatiba sa Nueva Ecija hinggil sa mataas na presyo ng sibuyas na pumalo na sa mahigit P500 ang kada kilo.

Matatandaang sinabi ng Anti-Graft Agency, na kanilang iimbestigahan ang DA at food Terminal Incorporated (FTI) kaugnay ng pagbili ng sibuyas kung saan, nagkaroon umano ng bidding sa bonena multipurpose cooperative sa barangay Curva, Bongabon, Nueva Ecija.

Ayon kay Ombudsman Samuel Martires, kanila nang tinitingnan ang posibleng pakikipag-ugnayan ng mga opisyal ng ahensya at pribadong sektor hinggil sa nasabing isyu.

January 12, 2023 0 comment

HEADLINES NATIONAL NEWS

PH, pinaghahandaan na ang mahigit 2 billion dollars na export deal ng mga prutas sa China

written by Angelica Doctolero

Pinaghahandaan na ng Pilipinas ang mahigit 2 bilyong dolyar na export deal ng mga prutas sa China.

Nabatid na ang fruit export deal ay sakop ng labing apat na kasunduan na nilagdaan ng Pilipinas at China sa pangunguna ni Pangulong Ferdinand “Bongbong” Marcos, Jr. at Chinese President Xi Jinping.

Ayon kay Agriculture Assistant Secretary Rex Estoperez, magsasagawa ng pagpupulong ang kanilang ahensya kasama ang mga delegasyon ng China hinggil sa export project o ang pagpapadala ng mga prutas sa nasabing bansa.

Kabilang sa mga prutas na ipapadala ng Pilipinas sa China ang durian, niyog, at saging.

January 12, 2023 0 comment

Newer Posts

Older Posts