Nasawi ang nasa 25 katao sa madugong terrorist attack ng mga militante sa isang paaralan sa Western Uganda.
Batay sa inisyal na ulat ng Ugandan Authorities, ang mga miyembro ng Ugandan group na Allied Democratic Forces ang umatake sa Lhubirira secondary school sa Mpondwe kung saan sinunog at ninakaw pa ang mga pagkain sa naturang dormitoryo.
Narekober ang dalawamput limang labi mula sa paaralan at nailigtas naman ang walo pang biktima na nananatiling nasa kritikal na kondisyon.
Inaasahang bababa ang presyo ng mga gulay na magmumula sa Benguet kapag naging normal na ang panahon sa lalawigan.
Sinabi ni Samahang Industriya ng Agrikultura (SINAG) Chairperson Rosendo So na may bahagyang pagtaas sa presyo ng gulay nitong mga nakaraang linggo dahil sa pagsisimula ng tag-ulan sa bansa.
Batay sa pinakabagong price monitoring ng Department of Agriculture, sa mga highland vegetables, ang repolyo ay nagkakahalaga ng P70 hanggang P120 kada kilo; carrots sa halagang P60 hanggang P120 kada kilo; baguio beans sa halagang P80 hanggang P120 kada kilo; puting patatas sa halagang P90 hanggang P130 kada kilo; pechay baguio sa halagang P60 hanggang P100 kada kilo; at sayote sa halagang P40 hanggang P80 kada kilo.
Sa lowland vegetables naman, ang ampalaya ay nagkakahalaga ng P60 hanggang P120 kada kilo; string beans sa halagang P70 hanggang P120 kada kilo; pechay tagalog sa halagang P60 hanggang P120 kada kilo; kalabasa sa halagang P25 hanggang P60 kada kilo; talong sa halagang P50 hanggang P100 kada kilo; at kamatis sa halagang P35 hanggang P70 kada kilo.
Sa pagtatapos ng Mayo, ilang magsasaka sa La Trinidad, Benguet ang napilitang anihin ng maaga ang kanilang mga pananim dahil sa mga pag-ulan na dala ng bagyong Betty upang maiwasan ang pagkasira.
Nauna nang pinayuhan ng DA-Cordillera ang mga magsasaka na magsagawa ng forced harvest dahil sa banta ni Betty. Sinabi ng ahensya na nananatiling sapat ang supply ng highland vegetables dahil sa kasalukuyan ay may 2, 287 metric tons ng ani na magagamit para sa kalakalan.
Kinumpirma ni Russian President Vladimir Putin na siya ay nagpadala ng nuclear weapons sa Belarus.
Sa kaniyang talumpati sa International Economic Forum sa St. Peterburg, tinawag ni Pres. Putin si Ukrainian President Volodymyr Zelenskyy na isang kahihiyan sa mga Hudyo.
Wala rin aniyang pag-asang manalo ang Ukraine sa giyera kahit pa tulungan sila ng mga kaalyadong bansa.
Kinondena naman ng White House ang naging pahayag ni Putin na may inilagay silang mga nuclear weapons sa Belarus.
Hindi makakalaro si Ja Morant para sa Memphis Grizzlies sa kanilang unang 25 games dahil ito ang magsisilbing parusa para sa kanyang ikalawang insidente ng pagpapakita ng baril sa live.
Inanunsyo ni NBA Commissioner Adam Silver ang balita matapos itong pigilan hanggang matapos ang liga sa finals.
Humingi naman ng paumanhin ang two-time all-star hinggil sa insidente lalo na sa mga batang sumusuporta sa kaniya na nabigo nito.
Dahil dito ay kailangan nang seryosong baguhin ni Ja Morant ang kanyang mga aksyon dahil nangangailangan din ang kanyang pagkakasuspinde ng ilang kundisyon na dapat matugunan bago siya makabalik sa laro sa isang laro sa NBA, ibig sabihin ay maaari siyang makaligtaan ng higit sa 25 laro kung hindi niya ito magawa.
Hinimok ng Department of Trade and Industry ang mga residente ng Albay na agad ipagbigay alam sa kanila ang sinumang mananamantala sa pagtaas ng presyo.
Ito ay kasunod ng magpatupad ng price freeze ni DTI Secretary Alfredo Pascual sa albay matapos na isailalim ito sa state of calamity.
Sinabi pa ni Sec. Pascual na tuloy tuloy ang kanilang pakikipag-ugnayan sa mga manufacturers para matiyak na may sapat na suplay ng mga pangunahing bilihin.
Sa ilalim ng naturang “Price Freeze” Ay magiging status quo ang mga presyuhan ng mga pangunahing bilihin sa albay gaya ng mga tinapay, delata, sabon at maraming iba pa.
May sorpresang naghihintay para sa mga ama ng tahanan na pasahero ng MRT-3 sa darating na Father’s day bukas.
Ayon kay Transportation Assistant Secretary for Railways at MRT -3 Officer-in-Charge Jorjette Aquino, magbibigay ang mga MRT-3 personnel ng regalo sa mga pasaherong tatay na sasakay ng tren.
Pupuwesto ang mga ito sa North Avenue Station, Cubao Station, Shaw Boulevard, Ayala, at Taft Avenue Station simula 11 a.m..
Ipinaliwanag ni Asec. Aquino na ang munting sorpresa ay isang pagkilala at pasasalamat sa mga haligi ng tahanan na madalas ay tahimik ngunit masipag magtrabaho upang maitaguyod ang kanilang pamilya.
Umaasa ang opisyal na sa pamamagitan ng naturang simpleng regalo ay maipapaabot ng MRT-3 ang pagsaludo nito sa sakripisyo ng mga ama.
Para mabigyan ng regalo, ay kailangang kasama ng ama ang anak o pamilya na sasakay sa mga naturang istasyon.
Pinatutsadahan ni Pokwang ang isang follower niya na nag-comment na mag move on na ito sa isyu nila ng kanyang dating asawa na si Lee O’Brian.
Nabatid na nais ipa-deport ng komedyana ang ama ng kaniyang anak na si Malia.
Hindi naman pinalampas ni Pokwang ang kumento at sinabing hindi alam ng netizen ang pinagdaanan nito atsaka hiniling na mangyari sa kamag-anak ng netizen ang napag-daanan niya nang sa gayon ay maintindihan kung saan nanggagaling ang kaniyang galit.
Alam niyo ba na hindi lang basta masarap na ulam o pampulutan ang pork liver. Marami rin itong benepisyo para sa ating katawan.
Kung ihahambing sa ibang bahagi ng baboy, tulad ng pork belly kung saan kinukuha ang bacon, may malaking pagkakaiba sa nutritional benefits. Ang atay ng baboy ay may mas kaunting taba at mas maraming vitamin B, D, vitamin A, vitamin K, at selenium kaysa sa anumang iba pang hiwa ng baboy.
Ang atay ng baboy ay mayaman sa protina, puno ng mga bitamina, at medyo mataas sa taba, na ang karamihan sa taba na iyon ay unsaturated.
Ilan sa mga benepisyo nito sa katawan ay:
Pinangunahan ng Department of Agrarian Reform ang pamamahagi ng Certificates of Land Ownership Award sa 57 magsasaka sa Sagay City, Negros Occidental.
Bahagi ito ng pagtalima sa utos ni Pangulong Ferdinand Marcos Jr. na magkaloob ng lupang sakahan sa mga magsasaka na walang sariling titulo.
Ayon sa Municipal Agrarian Reform Program Officer na si Ramon Silvino, 21 ektarya ng agricultural lands ang ipinamahagi sa qualified ARBs na ilang taon nang inaararo ang lupain.
Pinaalalahanan din nito ang arbs na bilang landowners ay kailangan nilang magbayad ng buwis upang makaiwas sa illegal arrangements na maaaring mag-disqualify sa kanila bilang benepisyaryo.
Umaasa naman ang DAR na sa pamamagitan nito ay giginhawa ang buhay ng mga magsasaka at magiging mabunga ang ani.
Isasailalim na sa monitoring ng Metropolitan Manila Development Authority ang EDSA bus carousel.
Ayon sa Department of Transportation, babantayan ng bus management and dispatch system ng MMDA ang busway para pagandahin pa ang karanasan sa public commuting.
Sa pakikipagtulungan ng MMDA, inaasahang mapapabuti ng innovative system ang biyahe ng mga pasahero sa pamamagitan ng sistematikong pag-monitor sa bilang ng mga bus na dumadaan sa EDSA busway.
Tinitiyak nito ang maayos na daloy ng mga bus para maiiwasan ang congestion.
Bukod dito, itataguyod ng BMDS ang comprehensive monitoring sa mga driver kung saan gagamit ng QR codes bilang contactless method upang madaling i-scan ng dispatching officers na naka-puwesto sa PITX at monumento.
Magiging accesible din ang mga impormasyon tulad ng hindi pa nababayarang multa sa traffic violations.