Hya Ludivico

Iginiit ni Senate Minority leader Koko Pimentel na dapat na ring magkaroon ng kalihim ang Department of Agriculture.

Ayon sa senador, dapat na pamilyar sa mga usapin na may kaugnayan sa agrikultura ang italaga para mamuno sa ahensya bilang karagdagang tulong sa administrasyong Marcos.

Naniniwala si Senator Pimentel na kailangan nang magkaroon ng permanenteng kalihim ang DA upang matutukan ang maraming isyung pang- agrikultura.

Sa ngayon kasi aniya ay si Pangulong Bongbong Marcos Jr., pa ang tumatayong secretary ng ahensya at tanging DA na lamang ang walang permanenteng kalihim.

Iginiit ni Senate Minority leader Koko Pimentel na dapat na ring magkaroon ng kalihim ang Department of Agriculture.

Ayon sa senador, dapat na pamilyar sa mga usapin na may kaugnayan sa agrikultura ang italaga para mamuno sa ahensya bilang karagdagang tulong sa administrasyong Marcos.

Naniniwala si Senator Pimentel na kailangan nang magkaroon ng permanenteng kalihim ang DA upang matutukan ang maraming isyung pang- agrikultura.

Sa ngayon kasi aniya ay si Pangulong Bongbong Marcos Jr., pa ang tumatayong secretary ng ahensya at tanging da na lamang ang walang permanenteng kalihim.

Nagpapasaklolo na sa pamahalaan ang ilang magsasaka sa General Santos City dahil sa oversupply ng kalabasa.

Halos wala nang kinikita ang mga magsasaka sa lugar dahil ibinebenta na lamang ang mga kalabasa sa halagang P5 ang kada kilo.

Para naman hindi masayang, napagdesisyunan ng ilang magsasaka na ipakain na lamang ito sa kanilang mga alagang hayop.

Sinabi naman ng Department of Agriculture Region 12  na naghahanap na sila ng mga paraan upang matulungan ang mga apektadong magsasaka at pinayuhan ang mga ito na planuhing mabuti ang pagtatanim upang hindi na maulit ang nasabing insidente.

Namemeligrong tumaas ang singil sa kuryente ngayong buwan.

Ayon kay Manila Electric Company Spokesman Joe Zaldarriaga, ito’y dahil mawawala na ang ipinatupad na 87 sentimo na refund sa mga kustomer.

Matatandaang inatasan ng Energy Regulatory Commission ang Meralco na ipatupad ang P22-B na refund na nagsimula noong Hulyo ng nakaraang taon.

Sinabi naman ni Zaldarriaga na hindi masyadong malaki ang magiging taas singil sa june billing dahil sa pagbaba ng generation cost.

Hinihintay na ng Metropolitan Waterworks and Sewerage System (MWSS) ang approval ng National Economic and Development Authority para sa konstruksyon at pag-develop ng P12-B kanan-agos project.

Kinumpirma ni Patrick James Dizon, head ng M.W.S.S. angat-IPO operations management division, na isinasailalim pa sa review ang nasabing project proposal.

Ayon kay Dizon, isang private proponent ang nagsumite ng unsolicited proposal upang i-develop ang proyekto na pagkukunan ng karagdagang water supply ng Metro Manila at mga karatig lalawigan.

Gayunman, tumanggi ang MWSS Official na pangalanan ang nasabing proponent at tanging ibinigay na detalye ay isang local company ang nagsumite ng proposal.

Ang kanan-agos project ay bahagi ng kaliwa-kanan-agos river basin, sa mga lalawigan ng Rizal at Quezon at kakayaning mag-supply ng mahigit 3–M liters ng tubig kada araw.

Nanawagan ang National Federation of Hog Farmers Inc., sa pamahalaan ng subsidiya o di kaya’y sagutin ang kalahati ng gastos ng mga magbababoy sa bakuna laban sa African Swine Fever (ASF).

Iginiit ni Chester Tan, pangulo ng N.F.H.F.I, na ang nasabing hakbang ay makakatulong lalo na sa small and medium scale local hog farmers.

Bagama’t wala pang inilalabas na presyo ng kada dose ng ASF vaccine, sinabi ni Tan na posible itong umabot sa P400 – P 600 pesos, na napakamahal aniya para sa mga magbababoy.

Matatandaang inihayag ng Bureau of Animal Industry na epektibo ang bakuna sa pagprotekta sa mga baboy laban sa ASF matapos ang clinical trials sa 6 na farm sa Luzon.

Umaasa si Senate President Juan Miguel Zubiri na mabibigyan ng tsansa ang Maharlika Investment Fund Bill dahil inaasahang magpapasigla ito sa ekonomiya ng bansa at lilikha ng trabaho.

Batay aniya sa pag-aaral, naging matagumpay at lumago ang ekonomiya ng mahigit 90 bansa dahil sa kanilang Sovereign Wealth Fund.

Iginiit pa ni Senate Pres. Zubiri, na kaya pumalpak ang Sovereign Wealth Fund sa Malaysia ay dahil talagang racketeer o tiwali ang nangasiwa sa pondo.

Binigyang diin pa nito na hindi dapat ikabahala ng mga nagsasabing mamemeligro ang pera ng publiko dahil naglagay naman ang kongreso ng safeguards kontra sa pag-abuso sa MIF bill.

Sinabi pa ni Senate Pres. Zubiri na mahigpit ding magbabantay sa pondo ang magiging internal at external auditors nito, maging ang Commission On Audit at kongreso.

Nakasaad din aniya sa panukala na makukulong ang sinumang mananamantala sa pondo. - sa ulat ni Cely Ortega-Bueno (Patrol 19). 

Itinuturing ni Senate President Juan Miguel Zubiri na tagumpay ng senado ang pagkakapasa sa kontrobersyal na Maharlika Investment Fund Bill.

Ayon kay Senate President Zubiri, ginawa nila ang lahat para magandang bersyon ng M.I.F.  bill ang kanilang maipasa kung saan marami silang inilagay na safeguards para masiguro na hindi maaabuso ang M.I.F.  Fund.

Maging ang minority bloc sa senado ay natuwa dahil inilagay nila ang lahat ng kinakailangang safeguards.

Malinaw din anyang nakasaad sa inaprubahan nilang M.I.F. Bill na hindi maaaring i-invest sa Maharlika Fund ang pondo ng SSS, GSIS, PhilHealth, OWWA, Home Development Mutual Fund at PVAO

Tiwala ang senate president na makakatayo ang ipinasa nilang mif bill sakaling may kumuwestyun sa korte suprema sa constitutionality nito.

Gayunpaman, hindi inaalis ni SP Zubiri ang posibilidad na may kumuwestyun sa MIF Bill sa Supreme Court. - mula sa ulat ni  Cely – Ortega Bueno (Patrol 19)

Ipinag-utos ni Senate President Juan Miguel Zubiri na i-review ang proper decorum ng mga senador tuwing mayroong senate hearing.

Kasunod ito ng pagpuna ng publiko sa pagsusuklay ng bigote ni Senator Robin Padilla at ang pagsasalita ng hindi maganda at pagmumura ng ilang mambabatas sa gitna ng mga isinasagawang pagdinig.

Aminado naman si Senator Ronald “Bato” Dela rosa na isa siya sa mga guilty pagdating sa mga hindi sumusunod sa decorum at ‘very unparliamentary’ aniya ang kanyang mga nasasabi dahil sa tindi ng kanyang emosyon at pagtatalo sa mga committee hearing.

Nilinaw naman ng senador na hindi ito sadya at

May ilan din aniyang senador ang mas mabigat pa ang nabibitawang salita.

Gayunman, binigyang diin ni Sen. Dela Rosa na dapat matuto ang mga senador na paalalahanan ang kanilang mga sarili kaugnay sa tamang asal at kilos sa mataas na kapulungan at ang mga ganitong paalala aniya ay magsisilbi namang learning process sa kanilang mga senador.

Target ng Saudi Arabia na kumuha ng isang milyong Filipino skilled workers partikular sa hospitality, construction, at information and technology sectors.

Ayon kay DMW Secretary Susan Ople, nagkaroon ng diskusyon sa pagitan ng Pilipinas at Saudi Arabia kaugnay sa pagkakaroon ng ‘special hiring program’ upang matugunan ang labor needs sa Gulf state.

Binigyang diin ng kalihim na dapat balansehin ng Saudi Arabia ang kanilang panawagang mag-hire ng mas maraming Pinoy wokers sa hiring demand ng mga kumpanya sa naturang bansa.

Nakatakda namang magpadala ang Saudi ng technical team sa Pilipinas sa Hunyo upang talakayin ang nasabing programa.

Maliban sa Saudi Arabia, nakikipag-ugnayan na rin ang pamahalaan sa iba pang mga bansa gaya ng United Arab Emirates, Austria, Guam, Portugal, Hungary, Czech Republic, at Canada para sa job opportunities sa mga Pilipino.