Jenn Patrolla

Nabayaran na ng pamahalaan ng Saudi Arabia ang mga Overseas Filipino Workers na nawawalan ng trabaho sa kanilang bansa noong 2015 at 2016.

Ito ang magandang ibinalita ni Pangulong Ferdinand Marcos Junior hinggil sa matagal nang hinihintay na  backwages at kompensasyon ng mahigit 10,000  OFW’s na nawalan ng trabaho sa Saudi Arabia.

Ayon kay Pangulong Marcos, may kabuuang 868,740,544  ang may clearance na ng alinma bank sa pamamagitan ng Land Bank of the Philippines, at 843 na tseke na nagkakahalagang P700 – M ang  nai-credit na sa peso equivalent.

Matatandaang ipinangako ni Saudi Crown Prince Mohammed kay PBBM na babayaran ang mga OFW na nawalan ng trabaho sa nabanggit na bansa. – sa ulat mula kay Gilbert Perdez (Patrol 13)

Umakyat na sa mahigit 1 – M  indibidwal ang naapektuhan ng malakas na pag-ulan at pagbaha sa Mindanao.

Batay sa tala ng Department of Social Welfare and Development, katumbas ito ng 307,262 families mula sa mga lalawigan ng

Agusan del sur

Davao de oro

Surigao del sur

Davao oriental

Davao del norte

Davao del sur

 Davao occidental

Aabot naman sa 19,424 families o 71,454 individuals ang nanunuluyan sa 219 evacuation centers habang nasa  85,936 families o 327,267 individuals ang nanunuluyan sa kani-kanilang kaanak.

Umabot naman sa 449 ang nasirang mga bahay habang nasa 652 ang bahagyang napinsala.

Sa ngayon, pumalo na sa 70 million pesos na ang halaga ng  humanitarian assistance ang naipamahagi ng DSWD at iba pang ahensya ng gobyerno sa mga apektado ng tag-ulan sa Mindanao.

Deadma si Pangulong Ferdinand Bongbong Marcos Junior sa panawagan ni Dating Pangulong Rodrigo Duterte na ihiwalay ang Mindanao sa Pilipinas.

Ito ang kinumpirma ni Interior And Local Government Secretary Benhur Abalos na hindi na napag-usapan pa sa sectoral meeting ang isyu  kung saan naging sentro ng talakayan kung paano mapapalakas ang kampanya sa cybercrime.

Ngunit muling nanindigan ang kalihim na isang paglabag sa konstitusyon kung may magtatangkang ihiwalay ang mindanao sa pilipinas.

Sa usapin naman kung maaring ihabla si dating pangulong Duterte sa naging pahayag nito, giit ni Secretary Abalos na nasa kamay na ng Department of Justice ang desisyon. – sa ulat mula kay Gilbert Perdez ( Patrol 13).

Lalo pang bumagal sa 2.8 % ang inflation sa bansa nitong Enero.

Ito na ang pinakamababang inflation na naitala sa bansa mula noong October 2020.

Ayon sa Philippine Statistics Authority, mas mababa ito sa 3.9 % inflation noong Disyembre at 8.7%  sa kaparehong buwan ng 2023.

Pasok din ito sa pagtaya ng Bangko Sentral ng Pilipinas na nasa 2.8% –  3.6%.

Paliwanag ni P.S.A National Statistician at Undersecretary Dennis Mapa, na kabilang sa pagbagal ng galaw ng presyo ay ang gulay gaya ng sibuyas, isda, at karne.

Naka-ambag din ang pagbagal sa inflation sa renta ng bahay, kuryente, at tubig.

Halos 60% ng mga Pilipino ang kuntento sa pamumuno ng Marcos Administration sa Pilipinas

Ito’y batay sa resulta ng survey ng tugon ng masa kung saan 14% ng mga Pilipino ang hindi kuntento sa pamamahala ng gobyerno sa bansa habang 24% ang hindi sumagot sa nasabing survey.

Ayon sa OCTA, ang performance rating ng kasalukuyang administrasyon ay mula 53% -71%.

May pinakamataas sa National Capital Region at Visayas na may 71% habang ang pinakamababa ay sa balance na may 53%.

Isinagawa ang survey noong December 10 –  14, 2023 mula sa 1,200 respondents sa buong bansa.

Umakyat na sa mahigit 100,000 o katumbas ng 410,771 na indibidwal ang nawalan ng tirahan dahil sa matinding pagbaha sa Mindanao.

Ayon kay Social Welfare and Development Assistant Secretary Irene Dumlao, mahigit 21,000 pamilya o 82,000 na katao ang kasalukuyang nananatili sa 334 na evacuation centers sa Region 11 at Caraga.

Sa datos naman ng National Disaster Risk Reduction and Management Council, umabot na sa 214,132 pamilya o katumbas ng 812,638 katao ang naapektuhan ng amihan sa Northern Mindanao, Davao Region, Caraga at Bangsamoro Autonomous Region in Muslim Mindanao.

Walang epekto ang import ban sa kabuuang supply ng karne ng baka at kalabaw sa bansa.

Ito’y matapos ipinag-utos ng Department of Agriculture ang temporary ban ng baka at kalabaw mula sa Libya, Russia, South Korea at Thailand dahil sa kumakalat na lumpy skin disease.

Ayon kay Agriculture Assistant Secretary at Spokesman Arnel De Mesa, hindi rin nag-aangkat ang Pilipinas sa apat na bansa dahil hindi ito accredited.

Hindi rin sakop anya ng import ban ang mga naturang karne dahil ikinokunsidera ito bilang safe commodity.

Dagdag pa ni Assistance Secretary De Mesa, pinapayagan pa rin ang pag-aangkat ng mga karne sa apat na bansa kung accredited ng mag-import.

Target ng gobyerno na maibaba sa P70 – P80 kada kilo ang presyo ng bangus sa mga pamilihan.

Ayon kay Agriculture Assistant Secretary at Spokesman Arnel De Mesa, pinag-aaralan na nila ang mga hakbang na kailangang maipatupad para mapataas ang produksyon ng isda sa laguna lake.

Dagdag pa ni Asec. de Mesa, na kahit hindi sakop ng D.A ang lawa ay kumikilos na ito upang mapalago ang  produksyon.

Nabatid na ang laguna ang isa sa pinaka-malaking supplier ng isda sa Metro Manila.

Good news para sa mga pag-ibig fund member!

Ito’y dahil madodoble na ang iyong savings at mas mataas na cash loan.

Matapos magpatupad ang PAG-IBIG ng dagdag mandatory monthly savings para sa mga miyembro at employer sa susunod na buwan.

Sa ilalim ng bagong rates ng ahensya, ang monthly savings ng mga miyembro ng pag-ibig sa bahagi ng empleyado at employer ay tumaas sa P200 bawat isa mula sa kasalukuyang P100.

Sumusunod ito sa pagsasaayos ng maximum monthly compensation na gagamitin sa pag-compute ng nangangailangan ng 2% na ipon ng empleyado at 2 % na bahagi ng employer para sa mga miyembro ng PAG-IBIG fund.

Samantala, kahit tumaas ang premium ng PhilHealth, katapat naman nito ang mga dinagdag at pinaganda pang mga benepisyo para sa mga Pilipino.

Generally peaceful ang isinagawang Bagong Pilipinas campaign.

Ito ang kinumpirma ni Philippine National Police Spokesperson Colonel Jean Fajardo kung saan wala sila ng naitang untoward incident.

Ayon kay Colonel Fajardo, may ilang indibidwal lamang ang binigyan ng atensyong medikal dahil sa pagkahilo.

Kabuuang 3,587 na PNP personnel ang ipinakalat sa quirino grandstand kung saan umabot sa 400,000 ang dumalo sa naturang aktibidad.

Pinangunahan ang aktibidad ni Pangulong Ferdinand Marcos Jr. at maging ang ilang matataas na opisyal ng pamahalaan ay present din.