Author

Judith Estrada-Larino

DWIZ 882

HEADLINES HOT STORIES OF THE WEEK NATIONAL NEWS

DA nakikipag-ugnayan na sa mga magsasaka para presyo ng sibuyas, mapababa

FARMER SIBUYAS ONION DA DEPARTMENT OF AGRICULTURE

Tuluy-tuloy na nakikipag ugnayan ang Department of Agriculture sa mga magsasaka para makahanap ng paraan upang maiwasan ang pagsirit pa ng presyo ng sibuyas.

Tiniyak ito ni Agriculture Spokesperson Assistant Secretary Khristine Evangelista na nagsabi pang nananatiling mataas ang presyo ng sibuyas na nasa 500 hanggang 700 pesos kada kilo dahil na rin sa mataas na farmgate price.

Sinabi ni Evangelista na posibleng bumaba ang presyo ng sibuyas sa mga susunod na linggo sa gitna na rin nang inaasahang pagsisimula ng pag-aani sa ikalawang linggo ng buwan.

Kasabay nito, pinalakas pa ng DA ang operasyon ng Kadiwa on Wheels para mabigyan ang publiko ng alternatibong pagbibilhan ng mga gulay.

January 9, 2023 0 comment

HEADLINES NATIONAL NEWS

Kapakanan ng mga magsasaka, unahin—JPE

written by Judith Estrada-Larino

FARMER MAGSASAKA RICE TARRIFFICATION LAW

Kapakanan ng mga magsasaka.

Ito ayon kay Chief Presidential Legal Counsel Juan Ponce Enrile ang dapat gawing priority sa halip na ikasa ang importasyon ng sibuyas sa gitna ng mataas na presyo nito.

Sinabi ni Enrile na kailangang ayusin ng Department of Agriculture ang mga hakbangin nito para hindi kapusin ang supply ng sibuyas na nagpapataas ng presyo nito.

Wala aniya siyang nakikitang pangangailangang umangkat ng sibuyas dahil malaki ang produksyon nito sa Nueva Ecija at problema rito ay hindi natututukang magsasaka na nawawalan na nang ganang magtanim.

January 9, 2023 0 comment

HEADLINES NATIONAL NEWS

NBI walang sasantuhin sa naganap na aberya sa NAIA

written by Judith Estrada-Larino

Iginiit ni House Transportation Committee chair Romeo Acop na wala silang sasantuhin sa itinakdang pagdinig ng Kamara bukas, January 10, sa nangyaring technical glitch sa NAIA nuong January 1.

Tiniyak ni Acop na irerekomenda nilang kasuhan ang mga responsable sa aberya kapag may makikitang negligence sa nasabing pagdinig.

Kasabay nito, isinusulong ni house minority leader Marcelino Libanan ang pagkuha sa serbisyo ng cybercrime expert ng NBI kaugnay sa nangyaring aberya sa NAIA.

Sinabi ni Libanan na dapat makalkal ang lahat ng anggulo sa nasabing insidente kabilang ang pagbasura sa posibleng cyber attacks, sabotahe o iba pang malisyosong aktibidad.

Una nang inihayag ng CAAP na pumalya ang communications, Navigation and Surveillance Systems for Air Traffic Management ng NAIA matapos masiraan ang interruptible power supply equipment nito.

January 9, 2023 0 comment

HEADLINES

Regular na schedule ng LRT-2, mananatili ngayong araw

written by Judith Estrada-Larino

Walang mababago sa regular schedule ng LRT-2 ngayong araw na ito, pagdiriwang ng Kapistahan ng Itim na Nazareno.

Ayon ito sa pamunuan ng LRTA kung saan ang unang tren sa Recto at Antipolo stations ay umalis ng alas-5 ng madaling araw habang ang huling tren sa Antipolo station ay aalis ng alas-9 ng gabi at alas-9:30 ng gabi sa Recto station.

Ipinaalala ng LRTA ang lahat ng pasahero na sumunod sa health, safety at security protocols para makaiwas sa COVID 19 at sakuna.

January 9, 2023 0 comment

SPORTS

Filipino tennis sensation Alex Eala handa nang sumabak sa Australian open qualifiers

written by Judith Estrada-Larino

Handa nang sumabak sa Australian open qualifiers si Filipino tennis sensation Alex Eala.

Makakasagupa ni Eala ngayong araw na ito si dating top 30 player Misaki Doi ng Japan.

Ang 17-year-old na Pinay ay ranked 215 sa Women’s Tennis Association samantalang ranked 172 ang 31-anyos na Japanese veteran.

Sinabi ni Eala na nasasabik siya sa nasabing laban at gagawin niya ang lahat para magtagumpay kontra kay Doi na dalawang beses nagwagi ng WTA 125 series titles sa San Antonio at Bastad.

January 9, 2023 0 comment

INTERNATIONAL NEWS

Mga kalalakihan sa India na walang dyowa, nag-protesta

written by Judith Estrada-Larino

Mahigit 50 kalalakihan sa Maharashtra, India ang nag-protesta dahil sa kakulangan ng mga kababaihan sa kanilang lugar.

Kasunod na rin ito nang pagbuo ng mga naturang soltero ng komite na tinagurian nilang “Bridegroom Morcha” na naglalayong makahanap ng kanilang mapapangasawa.

Sa kanilang rally, nagsuot ang mga kalalakihan ng kapansin-pansing traditional wedding attire habang sakay ng tig-isang puting kabayo kasabay nang pagpapatugtug ng traditional wedding music ng India.

Sinabi ng mga kalalakihan na hirap silang makahanap ng kanilang may bahay dahil mas marami sila kaysa mga kababaihan sa Maharashtra.

Batay sa National Family Health survey, nasa 920 lamang ang kabuuang bilang ng mga kababaihan sa kada isanlibong lalaki sa Maharashtra.

January 9, 2023 0 comment

FEATURES

Eternal Gardens Cabuyao namahagi ng gift packs sa mga residente ng lugar

written by Judith Estrada-Larino

ETERNAL GARDENS CABUYAO CHRISTMAS GIFT PACKS

Ilang pamilya sa Cabuyao City, Laguna ang nabigyan ng Pamasko ng Eternal Gardens, Cabuyao

Matagumpay na naikasa ng pamunuan ng Eternal Gardens, Cabuyao ang Christmas donation drive nito kung saan tatlumpung pamilya mula sa lungsod ng Cabuyao ang nabiyayaan ng Noche Buena gift packs.

Ayon kay Assistant Vice President for Chapel Operations Angelito Twaño, tiwala silang nakapagpasaya sa mga residente ang gift packs bilang pagpapaabot na rin ng pagbati ng maligayang Pasko sa mga beneficiary.

Ipinaabot din ni Twano ang pasasalamat sa lahat ng kliyente at investors ng Eternal Gardens, Cabuyao sa patuloy na suporta sa kumpanya.

Bukod dito, nagpapasalamat din ang management ng Eternal Gardens Cabuyao sa Cabuyao City Social Welfare and Development Coordinators na kinabibilangan nina Virginia Andaya, Loma Quebal, Melody China, Gracebel Agas at Estrelita Matampale gayundin sa officers ng Mabuhay Village Homeowners Phase 5 sa pangunguna ng pangulo nitong si Tyron Bawi at director Jose Reddin Satinggasin sa tulong para maibahagi ang gift packs sa mga pamilya.

Ang Eternal Gardens ay kabilang sa ALC Group of Companies na binuo ng yumaong Ambassador Antonio L. Cabangon Chua at pinamumunuan ngayon ng chairman nitong si D.Edgard Cabangon.

January 7, 2023 0 comment

NATIONAL NEWS

Operasyon sa NAIA, balik normal na

written by Judith Estrada-Larino

Balik normal na ang operasyon ng Ninoy Aquino International Airport (NAIA) matapos ang aberya nuong January 1.

Ipinabatid ito ni Department of Transportation (DOTR) Secretary Jaime Bautista matapos halos 300 flights ang nakansela, na divert o na delay nitong nakalipas na araw ng linggo.

Gayunman, sinabi ni Bautista na hindi nila inaalis ang posibilidad na sabotahe ang nangyari sa naia sa unang araw ng taong 2023.

Kasabay nito, tiniyak ni Bautista na handa ang DOTR na humarap sa imbestigasyon ng kongreso lalo pat inaayos na nila ang mga dokumento kaugnay nito.

January 5, 2023 0 comment

NATIONAL NEWS

CAAP pinagsusumite ng report sa naganap na aberya sa NAIA – GCG

written by Judith Estrada-Larino

Pinagsusumite ng Governance Commission for GOCC’s (GCG) ang Civil Aviation Authority of the Philippines (CAAP) ng report kaugnay sa naganap na aberya sa Ninoy Aquino International Airport (NAIA) nuong January 1.

Batay sa record ng GCG, ang Communications, Navigation and Surveillance/Air Traffic Management System (CNS/ATM) ng CAAP ay strategic target sa 2017 performance scorecard ng CAAP at ang transition at implementasyon nito ay bahagi ng strategic target ng ahensya para sa 2018 at 2019 scorecards nito.

Binigyang-diin ni GCG Chairperson Alex Quiroz na sa pamamagitan ng nasabing report ay bubuo sila ng mga hakbangin kung paano mas masusuportahan pa ang CAAP upang maiwasan ang anumang aberya at hindi na maulit ang nangyari sa naia sa unang araw ng bagong taon.

Makakatulong din aniya ang CAAP report para matiyak ang maayos na paggana at pangangasiwa sa air navigation systems ng bansa.

January 5, 2023 0 comment

Newer Posts

Older Posts