Patuloy ang mahigpit na monitoring ng Bureau of Quarantine (BOQ) sa mga dumating na Chinese nationals na nagpositibo sa COVID-19.
Tiniyak ito ni BOQ Deputy Director Roberto Salvador, Jr. matapos ilagay sa isolation ang mga naturang Chinese nationals na isasalang muli sa RT-PCR test sa Philippine Genome Center para malaman kung anong variant ng COVID-19 ang kumapit sa mga ito.
Muli namang siniguro ng BOQ ang mas pinaigting na border control ng bansa sa inbound travellers mula China.
Kaagad nalinis at naagapan ang posibleng epekto sa mga pananim na gulay ng andap o frost na bumalot sa isang greenhouse sa Atok, Benguet.
Nakitaan ng maninipis na yelo ang gutter ng nasabing greenhouse na nalinis din naman kaya’t hindi na nakaapekto sa mga pananim na repolyo at letsugas.
Ayon sa vegetable farmers, inaasahan na nila ang pagtama ng andap kasabay ng peak season ng amihan sa unang quarter ng taon.
Pumalo na sa halos 600,000 indibidwal ang naapektuhan ng mga pag-ulan at pagbahang dulot ng shearline.
Batay sa pinakahuling situational report ng National Disaster Risk Reduction and Management Council o ndrrmc, umabot sa kabuuang 597,858 individuals o katumbas ng 150,480 families ang naapektuhan sa Mimaropa, Bicol Region, Western Visayas, Central Visayas, Eastern Visayas, Zamboanga Peninsula, Northern Mindanao, Davao Region, Soccsksargen, Caraga, at Bangsamoro Region.
Nasa 2,811 na pamilya ang nananatili sa mga evacuation center habang 10,977 na mga pamilya naman ang nanunuluyan sa ibang mga lugar.
Samantala, nananatili naman sa 51 ang bilang ng mga nasawi dulot ng shearline, kung saan 13 rito ay kumpirmado na.
19 na indibidwal naman ang napaulat na nawawala habang 16 ang nasugatan.
Dinagsa ng mga pasahero ang PITX o Paranaque Integrated Terminal Exchange ngayong araw na ito, unang araw ng pasok sa taong 2023.
Sinabi ni Jason Salvador, head ng PITX Corporate Affairs and Government Relations na nasa 170,000 passengers ang inaasahan nila sa kanilang terminal ngayong araw na ito.
Back to reality na aniya ang lahat kaya’t inaasahan na nila ang pagdagsa pa ng mga pasahero sa PITX
Tiniyak ni Salvador na mahigpit silang naka-monitor sa sitwasyon at sa katunayan ay nakikipag-coordinate na sila sa kanilang bus partners para makapag-deploy kaagad ng dagdag na units sakaling dumagsa pa ang mga pasahero sa PITX ngayong araw na ito.
Pinayuhan ni Salvador ang mga pasahero na asahan na ang mahabang pila ng mga sasakay sa mga bus sa PITX.
Inaasahang balik-normal na bukas, January 4 ang mga flights ng Philippine Airlines (PAL) matapos ang pansamantalang shutdown ng airport nuong January 1.
Ayon ito kay PAL spokesperson Cielo Villaluna bagama’t dahil peak season pa rin, may mga external factors aniyang maaaring makapagpa-delay sa biyahe ng PAL.
Ipinabatid ni Villaluna na wala nang kanseladong flight ang PAL na may kinalaman sa technical glitch nuong January 1.
Pinasabugan ng Israel ang ilang bahagi ng Southern Damascus sa Syria.
Ayon sa region intelligence source, target nang pagpapasabog ang Iran linked assets
Wala pa namang paunang report ng danyos o casualties sa mga pagyanig na umalingawngaw sa buong capital ng Damascus.
Makailang beses nang binomba ng Israel ang militia targets ng Iran sa Syria, kung saan misyon nito umanong burahin ang presensya ng Tehran sa Syria at lumawig na umano sa mga nakalipas na taon.
Inirereklamo ng Israel ang matindi at malakas na presensya sa Sayeda Zainab sa Southern Damascus kung saan naruon ang underground bases ng Iranian backed militias.
Tiwala ang mga pasahero sa EDSA Busway Carousel na dadami at mabilis nang makakarating sa mga istasyon ang mga bus ngayong may bayad na rito.
Magugunitang epektibo kahapon ang P15.00 na minimum na pasahe, P75.50 naman mula Monumento hanggang PITX habang P73.00 mula PITX hanggang Monumento.
Ayon sa mga pasahero, nasanay na silang sumakay sa EDSA Busway dahil mas mabilis ito kaya’t kahit may bayad na ay tatangkilikin pa rin nila ito.
Ipinabatid naman ng LTFRB na nasa kabuuang 550 public utility buses ang tatakbo mula sa dalawang consortia at uubrang mag operate sa EDSA Busway na kailangan pang mag apply ng fare matrix/guide para makasingil ng bayad.
Kanselado pa rin ang ilang biyahe sa NAIA dahil sa technical issue ng air traffic management system ng CAAP kahapon.
Ayon sa MIAA o Manila International Airport Authority, kabilang sa kanselado ang domestic flights ng Cebu Pacific tulad ng mula Manila pa-Cotabato, Tuguegarao, Caticlan, Puerto Princesa, Iloilo, Cagayan De Oro, Bacolod, Davao, Butuan, Dumaguete, Cebu, Tagbilaran, Roxas Iloilo, Legazpi, Dipolog, Davao, Bacolod at Naga at pabalik.
Ipinabatid ng DOTr na tuluy-tuloy naman ang equipment restoration.
Kaugnay nito, pinayuhan ng airline companies ang mga pasahero na i-check ang flight schedules bago magtungo sa airport.
Handa si business tycoon at PLDT chairman Manny Pangilinan na tumulong sa DOTr para ayusin ang gusot sa NAIA kahapon na nakaapekto sa libu-libong pasahero.
Ayon ito kay Pangilinan kung saan handa silang i-alok ang colocation, data centers, connectivity at power supply protection.
Kabilang din si Pangilinan na naapektuhan ang flight mula Japan pa-Maynila.
Nabalam ang operasyon ng NAIA dahil sa technical issues at alas-4 ng hapon nang mag-resume ito, subalit tantya ng DOTr na aabutin ng tatlong araw para tuluyang magbalik sa normal ang airport operations.
Maraming pasahero ang stranded sa EDSA kaninang madaling araw.
Kabilang dito ang ilang commuters na galing ng probinsya gayundin ang mga papasok sa trabaho.
Inamin naman ng bus drivers sa EDSA carousel na kulang talaga ang mga bus na bumibiyahe dahil Holiday ngayong araw na ito.
To the rescue ang dalawang bus ng Philippine coastguard para isakay ang mga stranded passengers tungo sa kanilang destinasyon.