Isinusulong ng ecowaste coalition ang eco-friendly celebration ng pasko at bagong taon.
Sinabi ni Jove Benosa, zero waste campaigner ng ecowaste coalition na normal na ang pag o-order online o online shopping simula nang magsimula ang pandemya.
Isa aniya ang delivery items na nakakadagdag ng basura lalo na ngayong holiday season lalo na’t ilang layers ang balot ng mga items.
Ayon pa kay Benosa, dapat na maging eco-friendly ang mga pambalot ng christmas gift.
Binulabog ng isang malaking sawa ang mga residente ng Barangay Talipapa sa Quezon City.
Ayon sa barangay tanod na si Oton Ortiguerra, patulog na ang kanyang mag iina nang makarinig ng kaluskos sa kisame ang mga ito at laking gulat nang tumambad ang sawa na paggapang na sa kanilang higaan.
Kaagad namang rumesponde ang mga barangay tanod para mahuli ang burmese phython na halos 10 talampakan ang haba na kaagad inilagay sa sako at nai turn over na sa mga kinauukulan.
Sinabi naman ng isang opisyal ng barangay na ikatlong ahas na itong natagpuan sa kanilang lugar at posibleng nanggaling sa Tullahan River o sa bakanteng lote.
Hinihiling ng National Parent Teachers Association (NPTA) ang disinfection sa mga paaralan sa Christmas break ng mga estudyante.
Ito ayon kay NPTA Vice President Lito Sinieto ay dahil bibihira o halos wala nang ginagawang disinfection sa mga paaralan simula nang magbukas ang klase nuong Agosto at tuluyang ipinatupad ang full face to face classes.
Sinabi ni Sinieto na mahalagang magkaruon ng disinfection laban sa mga sakit tulad ng hand foot and mouth disease maliban pa sa COVID-19.
December 19 itinakda ang Christmas break at January 4, 2023 ang balik ng mga estudyante.
Posibleng maging bagyo ngayong weekend at papangalanang Rosal ang low Pressure Area (LPA) na namataan ng PAGASA.
Ayon sa PAGASA, ang nasabing sama ng panahon ay magdadala ng matinding pag ulan sa Cagayan, Isabela, Aurora, Quezon, Mimaropa, Bicol region, Visayas, Caraga at Davao region sa susunod na 24 oras.
Dahil dito, nagbabala ang PAGASA ng pagbaha at landslides.
Ang sentro ng LPA ay pinakahuling namataan sa layong 415 kilometers silangan hilagang silangan ng Hinatuan, Surigao del Sur.
Ang napipintong bagyo ay kikilos papalapit sa Caraga at Eastern Visayas ngayong araw na ito, Northern Samar at Bicol bukas at silangan ng Quezon at Aurora sa araw ng linggo.
Pinangunahan ng Pangulong Ferdinand Marcos, Jr. ang ceremonial blessing ng dalawang ATAK helicopters ng Philippine Airforce (PAF).
Ayon sa Office of the Press Secretary (OPS) ang dalawang dagdag na air assets ay binili ng bansa sa turkey bilang bahagi ng modernization ng Armed Forces of the Philippines (AFP).
Nagpasalamat ang Pangulong Marcos Jr. sa Turkish Aerospace Industries at sa gobyerno ng Turkey sa tulong na mapalakas ang Philippine military.
Kinilala rin ng pangulo ang efforts ng airforce sa ibat ibang aspeto kabilang ang external defense, internal security operations, disaster response gayundin ang relief operations.
Tiwala ang Employers Confederation of the Philippines (ECOP) na ipagpapaliban ng Panguong Ferdinand Marcos, Jr. ang pagtataas ng kontribusyon ng SSS at PhilHealth sa susunod na taon.
Sinabi ni ECOP President Sergio Ortiz Luis na naiintindihan nilang nakasaad sa batas ang nasabing pagtataas subalit hiniling na nila sa kongreso ang pag amiyenda rito na hindi naman naaksyunan aniya ng nakalipas na administrasyon.
Ayon kay Luis, ang mga manggagawa at maliliit na negosyo ang maapektuhan ng dagdag singil sa SS at PhilHealth contributions sa gitna ng mataas na inflation rate.
Gusto niyo bang magpabata? As in mabawasan ang tunay nyong edad?
Aba yan po ay posible na sa South Korea matapos ipasa rito ang mga panukalang abandonahin ang tradisyunal na sistema nang pagbibilang ng edad ng kanilang nationals.
Batay sa kasalukuyang sistema o the Korean age, kinikilala ang tao na isang taong mas matanda kapag naipanganak na at dadagdagan ang edad ng isang taon kada January 1 kaysa sa mismong birth date nila.
Subalit ipinasa ng National Assembly ng Seoul ang mga panukalang nag-o-obliga sa paggamit ng International Age Counting System para sa official documents at ito ay ipapatupad sa June 2023.
Sinabi ng National Assembly na ang hakbang ay para maresolba ang anito’y social confusion na dulot nang pinaghalo- halong paggamit ng age calcucations at resulta nitong side effects.
Bukod sa Korean Age System, ang bansa ay mayruon ding isa pang method na kadalasang ginagamit para tukuyin ang legal drinking at smoking age o binibilang ang edad mula zero pagkapanganak pa lamang at isang taon ang idadagdag kada January 1.
Ginagamit din ang worldwide standard para sa ilang medical at legal records simula pa nuong 1960’s.
Ikinagulat naman ng ilang South Koreans ang balita at natuwa ang iba pa dahil lalabas na dalawang taon silang bumata!
Tila hindi pa final reunion ang nakakasa nang Eraserheads reunion concert sa December 22 sa Paranaque City.
Ito’y matapos ibunyag ni Concert Producer Francis Lumen, Pangulo ng Weu Events Management Services ang mga planong dalhin sa labas ng bansa ang reunion ng Eraserheads.
Sinabi ni Lumen na nag-uusap na sila para sa posibleng world tour ng Eraserheads sa susunod na taon.
Masaya aniya sila na maipakita ang galing ng Pinoy sa international stage kaya’t excited sila pare-pareho sa posileng reunion concert ng Eraserheads sa ibang bansa.
Kasabay nito, ipinabatid ni Lumen na gumagawa na sila ng documentary ng Huling El Bimbo reunion concert at planong ipalabas sa SM Cinemas, Cignal, Smart Gigaplay, Amazon at Netflix.
Nahaharap sa mga kasong attempted murder at kidnapping ang isa sa mga suspek na nasa likod nang pagkawala ng ilang sabungero.
Ayon sa complainant, ang suspek na si Julie Patidongan o Dondon ay nagbaril sa sarili at binaril din ang ama niya sa magkahiwalay na insidente dahil sa problema sa lupa.
Sinabi ng dumagat family ng Tanay, Rizal na isinampa nila ang reklamo sa Binangonan nuong 2019 subalit wala pa silang update hinggil dito.
Inihayag pa ng complainant na nag trabaho siya kay Patidongan subalit umalis siya nang tangkain nitong agawin ang lupain ng kanilang pamilya.
Una nang inilabas ng Criminal Investigation and Detection Group (CIDG) ang composite sketch ng dalawang suspek kabilang na si Patidongan kaugnay sa pagkawala ng isang sabungero sa Laguna.
Handa nang magsilbi muli at i-satisfy ang inyong cravings for good food ang tinaguriang lifestyle buffet, ang The Food Club Manila.
Kaya naman, iniimbitahan ng The Food Club ang lahat lalo na ang kanilang mga suki para bisitahin sila at magkaruon ng kakaibang dining experience sa 4th floor ng Ayala Malls Bay sa Paranaque City.
Mas pinasarap at mas pinarami ang mga pagpipiliang pagkain sa The Food Club sa presyong abot kaya pa rin.
Mula sa tradisyunal na mga pagkaing Pinoy, swak din tiyak sa inyong panlasa ang iba pang Asian cuisines na inihanda ng The Food Club gayundin ang Mediterranean flavors at maging ang savory Western dishes.
Siyempre, hindi rin mawawala ang mga fruits at desserts matapos matikman at mag-enjoy sa lahat ng mga pagkain ng The Food Club tulad ng cakes, ice cream, halo-halo, chocolate fondue at maraming iba pa.
Kung may pambara sabi nga, hindi rin pahuhuli ang The Food Club sa pantanggal ng bara tulad ng juice, kape, tsaa at maging draft beer.
Lahat nang yan sa halagang P788 pesos para sa lunch buffet at P988 sa dinner buffet mula Martes hanggang Biyernes, kapag Sabado naman, nasa P988 ang lunch buffet at P1, 158 ang dinner buffet at P1, 158 ang lunch at dinner buffet kapag araw ng linggo.
Subalit libreng kumain sa The Food Club ang mga batang below three feet at half the price naman ang bayad ng mga batang ang taas ay 3 to 4 feet.
Dagdag pa sa kakaibang dining experience sa The Food Club ang Filipino hospitality sa pamamagitan ng mababait at accommodating na staff na ready anytime to serve whatever your concern is habang sila rin naman ay naka facemask for health and hygiene purposes tulad ng lahat ng nagda dine in.
Huwag mag alala sa mga may sasakyan lalo na ngayong holidays dahil sampu ang parking floors ng ayala malls manila bay na very accesible rin via public transportation kaya’t mabilis na mapupuntahan lalo na ang The Food Club!.
Kaya ano pa ang hinihintay niyo? Punta na sa The Food Club o tumawag sa 09171444187, 09171664187 o mag-email sa foodclub.reservation@gmail.om at bisitahin ang Facebook page ng The Food Club para sa iba pang detalye.
