Judith Estrada-Larino

Umapela ng suporta si Finance Secretary Benjamin Diokno mula sa pribadong sektor para mapalakas ang economic plans ng gobyerno.

 Sa kanyang pagdalo sa 48th Philippine Business Conference and Expo binigyang-diin ni Diokno ang katatagan at pagsisikap ng business sector na manatiling malakas ang ekonomiya sa kabila ng COVID-19 pandemic.

 Tinukoy din ni Diokno ang paglakas ng investors’ confidence na pinatunayan ng itinuturing na highest ever foreign direct investments nuong nakalipas na taon na pumapalo sa 12.4 billion dollars.

 Magugunitang umangat ang ekonomiya ng Pilipinas sa 7.8% sa unang semester ng 2022.

Ikinasa na ng korte suprema ang mga panuntunan sa oral arguments bukas, Biyernes kaugnay sa inihaing petisyon sa batas na nagpapaliban sa Barangay at SK elections (BSKE).

 Ayon sa High Tribunal, dapat maging limitado ang diskusyon ng petitioner at respondent sa usapin na kung may kapangyarihan ng kongreso na mag kansela ng Barangay elections, kung nagawa ng kongreso na ma-disenfranchise ang voters na paglabag sa karapatan nilang bumoto, kung ang postponement ng Barangay elections ay nakabatay sa Omnibus Election Code of the Philippines.

 Sinabi pa ng korte suprema na bukod pa ito sa pagpapaliwanag na posibleng mag resulta sa posibleng legislative appointment sa mga incumbent barangay officials ang pagpapaliban sa BSKE.

Maaga pa para alisin ang ipinatutupad na pinakamataas na alerto kaugnay sa COVID-19 crisis.

 Ito’y ayon sa Emergency Committee ng World Health Organization (WHO) ay dahil nananatili ang global health emergency sa kabila ng report nang pagbaba ng kaso ng COVID-19.

 Suportado naman ni WHO Chief Tedros Adhanom Ghebreyesus ang pahayag ng emergency committee na naggiit sa pangangailangang palakasin pa ang surveillance at palawigin ang access sa test, treatment at vaccine para sa mga vulnerable sectors.

 Sinabi ng pinuno ng WHO na bagama’t umayos naman ang sitwasyon simula nang magsimula ang pandemya tuluy-tuloy pa rin ang pagpapalit ng virus kayat marami pa ring panganib ang idudulot nito.

Sumisipa na rin ang presyo ng washed at brown sugar na ngayo’y nasa 90 pesos na kada kilo.

 Kasunod na rin ito nang paglilibot ng DWIZ patrol sa ilang pamilihan sa Metro Manila.

 Sa Pasig City Public Market, nasa 90 pesos kada kilo ng washed at brown sugar, 88 pesos ang light brown sugar samantalang nasa 102 pesos ang kada kilo ng white sugar.

 Umaabot naman sa 92 pesos ang kada kilo ng washed sugar sa Marikina Public Market.

 Samantala, dahil sa mataas na presyo ng kada kilo ng puting asukal, marami na umano sa mga nagtitinda nito ay hindi na muna nagbebenta ng ganitong klase ng asukal.

 Nangangamba rin ang mga nasabing nagtitinda na sumirit pa ang presyo ng asukal matapos mag abiso ang ilang supplier sa posibleng dagdag presyo pa ng asukal sa mga susunod na araw.

 Kasado na ang deployment preparations ng Metropolitan Manila Development Authority (MMDA) para sa paggunita ng araw ng mga patay.

 Ayon kay Col. Bong Nebrija, Head ng MMDA Task Force on Special Operations na inagahan nila ang paglalarga ng security at contingency measures ngayong undas dahil sa mahaba habang holiday na ang iba naman ay naka bakasyon na ng october 28.

 Ipinabatid pa sa dwiz ni nebrija na sinimulan na rin nila ang paglilinis sa backdoors ng mga bus terminal at mga daanan patungo rito.

Tuluy tuloy ang pakikipag ugnayan ng Council of Private Educational Associations Philippines (COCOPEA) sa Department of Education.

Kaugnay ito sa pagbibigay ng go signal ng DepED sa private schools para magpatupad ng flexible options sa mga private schools.

Sinabi ni COCOPEA Managing Director Joseph Noel Estrada na nagpapasalamat sila sa DepED at hindi aniya sila bibitiw sa partnership nila sa gobyerno para makapag aral ang mga estudyanteng pilipino kahit anong mangyari.

Naniniwala aniya silang magiging beneficial sa mga estudyante bilang compelemntary sa in person classes ang option na ibinigay ng DepED sa private schools tulad ng 5 days in person classes, blended learning modality at full distance learning.

Muling nagpaalala ang Department of Labor and Employment (DOLE) sa mga employer kaugnay sa tamang pagpapasahod sa October 31.

Kasunod ito nang pagdedeklara ng Pangulong Ferdinand Marcos, Jr. Sa October 31 bilang Special Non -Working Holiday dahil sa paggunit sa araw ng mga patay.

Dahil dito, sinabi ng DOLE na ang mga empleyadong papasok sa trabaho sa October 31 ay mayruong dagdag na 30% sa kanyang daily rate para sa unang  8 oras ng trabaho at dagdag na 30% sa kada oras na lampas sa 8 oras.

Sa nasabing polisiya , saklaw ng no work, no pay policy ang October 31 maliban sa Company Policy o Collective Bargaining Agreement.

Kanselado ang ilang domestic flights dahil sa bagyong Obet.

Ayon sa Manila International Airport Authority (MIAA) Kabilang sa mga kanseladong biyahe ang PAL Express flights Manila to Basco, Batanes at pabalik.

Sinabi ng MIAA na patuloy itong magmo-monitor sa lagay ng panahon para mabatid kung kailangang suspendihin ang ilang domestic flight.

Posibleng bawasan ang administrative fee at iba pang bayarin sa mga isusubastang naka impound na mga sasakyan.

Ayon ito kay Land Transportation Office (LTO) Chief Assistant Secretary Teofilo Guadiz III sa gitna na rin nang pag aaral nila sa nasabing hakbangin.

Batay sa department order, nasa 100 pesos ang impounding fee habang 15 pesos naman ang storage fee kada araw.

Ang hakbang ng LTO ay kasunod na rin ng reklamo ng mga nagtutungo sa auction ng ilang tanggapan ng LTO dahil kasing mahal anila ng bagong motorsiklo ang mga ipinasusubasta kahit hindi na umaandar.