Asahan na ang mga pagbabago sa Office of the Press Secretary (OPS).
Ayon ito kay OPS officer-in-charge at Undersecretary Cheloy Velicaria-Garafil na una nang itinalaga ng Pangulong Ferdinand Bong Bong Marcos, Jr. bilang pinuno ng LTFRB.
Sinabi ni Garafil na makikipag pulong siya sa mga opisyal ng OPS para tutukan ang operasyon ng ahensya at kung kinakailangan ay magpatupad ng adjustments.
Ginamit ng mga bilanggong nang hostage kay Senador Leila De Lima ang oras ng kanilang pagpapahangin at pagpapaaraw para sa tangkang pagtakas.
Ayon ito kay PNP Spokesperson Col Jean Fajardo kaya’t dapat nilang busisiin ang pinaiiral na security protocols partikular sa PNP Custodial Center.
Sinabi sa DWIZ ni Fajardo na gumagawa na rin sila ng mga paraan para hindi na maulit ang nasabing insidente.
Halos 30 billion pesos na halaga ng tulong ang naibigay ng DBM sa iba’t ibang beneficiary sa unang 100 days ng Pangulong Ferdinand Bongbong Marcos, Jr.
Kabilang sa mga nabigyan ng tulong, ayon sa DBM ang mga magsasakang naapektuhan ng Rice Tariffication Law, Vulnerable Households na naapektuhan ng inflation, mga nasa crisis situations at maging mga biktima ng bagyo at lindol.
Kasama rin sa mga ipinalabas na pondo ng DBM ang libreng sakay para sa mga commuter ng Edsa Carousel Route gayundin ang eligible public at private healthcare at non healthcare workers na bahagi ng COVID-19 healthcare response.
Ipatatapon na pabalik ng Korea ang isang national nitong dawit sa multimillion telecommunications fraud case sa kanilang bansa.
Bukod dito, sinabi ni Immigration Commissioner Norman Tansingco na ilalagay na rin nila kaagad sa blacklist ang 33 anyos na si Lee Won Ho na dinakip sa kanyang bahay sa BF Tahanan Village, Paranaque City.
Ayon sa BI, si Lee ay high ranking member ng Minju family o big time telecom fraud syndicate na nag-o-operate sa Maynila at nasa 21 million dollars o halos 1.3 billion pesos ang nakulimbat nito mula sa mga biktimang Korean nationals na naka base sa ibang bansa.
Mahigpit na nakatutok ang Albay Provincial Government sa mga residente na apektado nang pag a alburuto ng Bulkang Mayon na ngayo’y nasa alert level 2 na.
Tiniyak ito sa DWIZ ni Albay Governor Noel Rosal matapos bisitahin ang mga residenteng sakop ng 8 kilometer danger zone at pare-pareho na ring naghahanda sakaling tumindi pa ang pag a alburuto ng nasabing bulkan lalo na kung uulan sa mga susunod na araw.
Apektado aniya nang pag a alburuto ng Bulkang Mayon ang tig isang lungsod sa first hanggang third district ng Albay.
Ipinabatid pa ni Rosal ang masusing pag monitor sa aktibidad ng Bulkang Mayon sa pamamagitan ng agarang aerial inspection partikular sa bunganga nito.
Pinaigting pa ng SM Supermalls ang mga irresistible offers nito online ngayong Super Month ng October.
Handog ng SM supermalls ang malalaking discount at maging Buy 1, Take 1 deals, hindi lamang sa mga masasarap na pagkain kundi maging sa laruan at iba pang items.
Mag avail na sa Buy 1, Take 1 promo ng Ramen Nagi, Chili’s, Mesa, Genki Sushi, TGI Fridays gayundin sa Tender Bobs, Wendy’s, Caden Handcrafted Donuts, Infinitea at Tenya.
Tinagurian ding Super Toy Sale ang buwan ng Oktubre kaya may 20% hanggang 60% discount sa Toy Kingdom at GEEK PH sa mga SM Supermalls samantalang available naman at half the price ang special edition stickered Funko Pop mula sa Filbar’s.
At dahil tiyak na naglilista na kayo ng inyong Christmas gifts, i-check mula sa SM Malls Online ang Super 100 at 199 e-vouchers mula sa Mini So at Messy Bessy bukod pa sa tyansang makakuha ng Ikea gift cards o free gas mula sa Caltex!.
Ito ang hindi rin dapat ma miss lalo na ng mga nasa graveyard shift dahil mula October 14 hanggang 16, handog ng SM Supermalls sa Shop SM ang Tatang’s weekend sale mula alas-10 ng gabi hanggang alas-12 ng hatinggabi.
Kasado na rin ang Super charged 3 day sale mula October 28 hanggang 30 sa SM Supermalls bilang patunay sa tagline nitong “We’ve got it all for you”.
At dahil big blowout buong buwan ng Oktubre, gamitin lamang ang code na Supermonth para sa extra P150 discount pa sa mga binili nyo worth P700, at dagdag pang discounts gamit ang iba pang special vouchers!.
Sabi nga sa sikat na cliche – wait there’s more! at dahil invited talaga ang lahat sa second birthday ng SM Malls Online, i share nyo ang inyong birthday greetings gamit ang hashtag na #SuperMonthSMO para manalo ng limang libong pisong shopping credits bilang most creative video greeting!.
Kaya, mark your calendars shopaholics, tiyaking laging available at malakas ang Wi-fi at internet para sa mga swak na discounted items mula sa SM Malls Online app na http://click.smmallsonline.com/dfqs/mmea5gri at i follow ang @smmallsonline sa facebook para sa mas marami pang deals at exclusive vouchers.
Namahagi si San Juan Mayor Francis Zamora ng P3,000 pisong cash at health kits sa mga guro sa lungsod bilang pagdiriwang ng World Teachers’ Day.
Nakinabang sa nasabing benepisyong ikinasa ni Zamora ang 636 na guro at iba pang school personnel mula sa 13 public schools sa San Juan.
Sa programang ginanap sa San Juan Gym, binigyan din ng libreng flu vaccines ang mga public school teachers at health kits na kinabibilangan ng dalawang galon ng alcohol, face mask, spray bottle, oximeter, vitamin C, infrared forehead thermometer at nasal spray.
Sinamahan din ni Zamora ang mga nasabing guro sa isang pananghalian na aniya’y maliit na paraan ng pasasalamat sa mga guro na nagsasakripisyo para lamang makapagbigay ng de kalidad na edukasyon sa mga kabataan ng San Juan.
Tiniyak ni Zamora na patuloy silang magbibigay sa mga guro ng mga kinakailangang gamit para maging madali sa kanila ang pagtuturo na aniya’y pinabigat ng pandemya.
Kasabay nito, ipinabatid ni Zamora na sa susunod na buwan, lahat ng mga silid aralan sa public schools sa lungsod ay lalagyan ng 55 inch Smart TV na mayruong WiFi at fiber optic internet connection na siya ring ipinakabit nila sa halos 7,000 bahay ng estudyante sa pampublikong paaralan.
August 22 nang sumailalim na sa 100% face to face classes ang lahat ng public schools sa San Juan dahil sa mataas na vaccination rate kung saan nasa halos 266% na ang naka kumpleto ng primary doses at mahigit 100% naman ng target population ang naturukan na ng first booster.—sa ulat ni Allen Ibañez (DWIZ Patrol)
Kasado na ang idaraos na malawakang Konsultasyong Sulit at Tama (KONSULTA) Program ng Philhealth bukas, araw ng Sabado.
Ayon sa Philhealth, gagawin ang programa sa 13 registration sites sa Metro Manila mula alas-8:00 ng umaga hanggang alas-5:00 ng hapon.
Binigyang diin ng Philhealth na ang KONSULTA package ay pinakabagong benepisyong handog nito para mapalakas, mapagtibay at mabigyan ng primary health care services ang lahat ng mga Pilipino tungo sa maayos at sapat na pangangalaga sa kalusugan.
Kabilang sa mga itinalagang Philhealth KONSULTA registration sites ang West Rembo Sports Complex sa Makati City; Executive Building, Maysilo Circle, Plainview sa Mandaluyong City; Skydome, SM City North Edsa sa Quezon City; Marikina Sports Complex sa Marikina City; at Barangay 17 Covered Court sa Tondo, Maynila.
Bukod pa ito sa Pulang Lupa Uno Covered Court sa Las Piñas City; Don Galo Elementary School sa Paranaque City; Wes Arena, Barangay Punturin sa Valenzuela City; San Jose Academy Covered Court sa Navotas City; Riverside Covered Court, Riverside Subdivision, Barangay Sto. Domingo sa Cainta, Rizal; at Pateros Municipal Hall sa Pateros.
Tutulong ang French experts para matutukan at matugunan ng Pilipinas ang mga usapin ng energy at food security ng bansa.
Ipinabatid ito ni French Ambassador to the Philippines and Micronesia Michele Boccoz matapos ang face to face meeting nina Pangulong Ferdinand Bong Bong Marcos, Jr. at French President Emmanuel Macron sa New York nuong Setyembre.
Sinabi ng French Ambassador na masusing pinag usapan ng dalawang lider ang resulta nang pagsalakay ng Russia sa Ukraine sa sitwasyon at presyuhan ng pagkain at langis na aniya’y na weaponized na.
Tiniyak ng ambassador ang commitment nilang makipag ugnayan sa Pilipinas sa pag shift nito sa green energy, sustainable agriculture at green development kaya’t agaran na silang bumuo ng French Task Forces para sa food at energy security.