Rashid Locsin

Naghahanda na ang mga ospital sa mga mabibiktima sa paggamit ng mga paputok ngayong kapaskuhan lalo na sa pagsalubong sa bagong taon.

Ito ay ayon kay Health Officer In Charge Maria Rosario Vergeire kung saan may mga nabiktima pa rin ng paputok kahit pa nitong nakalipas na dalawang taon na may pandemya.

Batay sa datos ng kagawaran, may 122 nabiktima ng paputok nuong pagsalubong ng 2020 habang nitong nakalipas na 2021 nasa 188 naman ang nabiktima .

Samantala, nilinaw naman ng opisyal na sa pangkalahatan ay pababa na ang bilang na mga nabibiktima na mga paputok sa pagsalubong ng bagong taon.

Mahigpit na babantayan ng pamunuan ng Parañaque Integrated Terminal Exchange (PITX) ang singil sa pasahe sa mga provincial bus.

Layunin aniya nito na masiguro na walang mangyayaring overcharging sa pasahe.

Inabisuhan naman ng PITX ang mga biyahero na maagang magpa book ng kanilang mga biyahe.

Samantala, patuloy namang nagsasagawa ng random inspection ng mga otoridad sa mga bus at drug testing sa mga konduktor at driver sa PITX.

Bahagyang tumaas muli ang kaso ng COVID-19 kumpara kahapon na nasa 600 lamang.

Sa datos ng Department of Health (DOH,) nasa 823 ang panibagong kaos ng COVID-19 kung saan umakyat ang kabuuang kaso sa 4, 058, 465.

Sa kabila nito, bumaba naman ang aktibong kaso sa 16, 896 matapos makapagtala ng 1,188 na mga gumaling.

Habang mayroong labinglimang na nadagdag naman sa mga nakumpirmang namatay sa COVID-19 kaya pumalo na sa kabuuang 65, 142 ang death toll sa nasabing sakit.

Bumaba ang bilang ng mga insidente ng krimen sa bansa ngayong panahon ng pasko.

Ito ang inihayag ni PNP Public Information Office Chief Colonel Red Maranan na naitala nila ang 7.58 % na pagbaba sa mga insidente ng malalaking krimen.

Sa kabila nito, may pagtaas aniya sa mga insidente ng maliliit na uri ng krimen o ang pagnanakaw.
Ito ay dahil sa aktibo ngayong panahon ang mga salisi gang, o kawatan sa mga mall, simbahan at iba pang mga matataong lugar.

Pero, sinabi ni maranan na hindi ito dahilan para mabahala dahil aktibo rin naman ang presensiya ngayon ng mga pulis na nakakalat sa iba’t ibang lugar o nasa 85% ng buong pwersa katumbas ng 192,000 personnel.

Samantala, nagbabala rin si maranan sa publiko na magmamaneho nang lasing ngayong panahon ng pasko at bagong taon.
Aniya, katuwang ang Metropolitan Manila Development Authority (MMDA) at Land Transportation Office (LTO) mas paiigtingin nila ang panghuhuli sa mga lalabag sa batas.

Umapela ang Commission on Elections (COMELEC) sa publiko na magparehistro ngayong holiday season para maiwasan ang mahabang pila.

Sinabi ni COMELEC Spokesperson Rex Laudiangco na mababa pa rin ang bilang ng mga bagong rehistradong botante, hindi lamang sa regular registration kundi maging sa register anywhere project.

Sa kasalukuyan, nasa ilalim ng pilot testing ang rap sa limang malls sa National Capital Region at mga piling lalawigan.
Ani Laudiangco na dapat maagang magparehistro ang publiko upang makaiwas sa abala

Samantala, muling iginiit ni laudiangco na sususpindihin lamang ang voter registration sa araw ng pasko at bagong taon.

Matatandaang, nagsimula ang pagpaparehistro ng mga botante para sa barangay at sk elections nuong a dose ng Disyembre na magtatagal hanggang January 31, 2023.