Muling isasara ang Ayala bridge sa Maynila ngayong weekend.
Ayon sa advisory ng Metropolitan Manila Development Authority o MMDA, magsisimula ang full closure ng Ayala bridge simula mamayang alas-10:00 ng gabi at tatagal hanggang sa Lunes alas-5:00 ng madaling araw.
Sa buong weekend ng October ay isasara ang naturang tulay para sa repair at rehabilitasyon nito.
Target ng Department of Public Works and Highways (DPWH) na matapos at tuluyang mabuksan ang Ayala bridge sa November 2.
By Rianne Briones
