Ini-release na sa mga local government unit sa Metro Manila ang pondo bilang ayuda para sa ECQ.
Ayon kay DSWD spokesperson, Director Irene Dumlao, aabot sa P10.8-B ang inaprubahang pondo ng Department of Budget and Management para sa financial aid ng mga apektado ng ECQ sa NCR na tatagal hanggang Agosto 20.
Nilinaw ni Dumlao na hindi na idinaan sa kanilang ahensya ang pondo batay sa kanilang napag-pulungan noong Huwebes, Agosto 5.
Ang mga LGU na aniya ang gagawa ng paraan kung paano mas epektibong maipapamahagi ang pondo sa mga benepisyaryo.—sa panulat ni Drew Nacino
