Dead on the spot ang isang babae makaraang tumalon mula sa 19 na palapag ng Condominium tower, sa Sta. Mesa, maynila.
Kinilala ang biktima na si Lyn, 34-anyos na nagtamo ng matinding pinsala sa ulo at katawan.
Ayon sa mga otoridad, nakararanas ng emotional distress o labis na kalungkutan ang biktima dulot ng breakup o pakikipaghiwalay ng kanyang kasintahan kamakailan.
Sa pahayag ni Roland Legaspi, security guard ng nabanggit na Condo, nagpapatrolya siya sa parking lot nang makarinig ng malakas na kalabog dahilan para agad niya itong pinuntahan.
Dito na niya nakita ang bangkay ng biktima, kaya’t agad niya itong inireport sa kanyang superior na si Ayid Sahibul, na siya namang tumawag sa Police Station 8.
Nabatid na nagpahayag pa umano ang biktima ng kagustuhan na magpakamatay dahil sa problema sa kaniyang love life.
Sa ngayon dinala na sa Cruz Funeral ang bangkay ng biktima para sa otopsiya at kaukulang safekeeping.
