Patay ang isang babae makaraang pagbabarilin sa loob mismo ng minamaneho nitong sasakyan.
Nangyari ang krimen sa bahagi ng Mindanao Avenue kanto ng Tandang Sora sa Quezon City, kagabi.
Hindi pa batid ang pagkakakilanlan ng babaeng biktima na nakasuot ng itim na t-shirt at maong na pantalon at nakasakay sa kulay orange nitong sasakyan na may plakang WOB-440.
Ayon sa mga nakasaksi, pinagbabaril ng riding in tandem ang nagmamanehong biktima.
Dead on the spot ang biktima kaya’t sumalpok ang sasakyan nito sa isang footbridge.
Inaalam pa ng mga otoridad ang motibo at mga taong nasa likod ng naturang pamamaril.
