Walang kinalaman sa nangyaring aberya noong May 1 ang nangyaring power outage sa Ninoy Aquino International Airport (NAIA) Terminal 3 nitong June 9.
Ito ang ginawang paglilinaw ni Manila International Airport Authority (MIAA) Acting General Manager Brian Co.
Aniya, hindi nila inaasahan ang pagkaiwan ng ginamit na tester ng MSERV technical team kung saan sila nagsagawa ng electrical audit kaya’t nagkaroon ng short circuit ang linya ng Meralco kaya nagkaroon ng aberya sa kuryente sa paliparan.
Nabatid na ikinainit ng ulo ng mga netizens at mga pasahero ang nasabing aberya.
