May umuusbong na bagong drug lord sa Western Visayas.
Ito ang kinumpirma ni PNP o Philippine National Police Chief Ronald ‘Bato’ dela Rosa kung saan ito na umano ang pumalit kay Melvin Odicta na sinasabi namang drug lord ng Iloilo na napaslang ng mga pulis noong nakaraang taon.
Gayunman, sinabi ni Dela Rosa na wala pa sa drug list ni Pangulong Duterte ang bagong drug lord na ito.
Maliban dito, may isa pa aniyang drug lord sa Visayas ang namo-monitor ng PNP na nasa narco-list ng Pangulo.
Sinabi ni Dela Rosa na sa kabila ng matinding kampanya ng pamahalaan kontra iligal na droga ay may iba pa ring nangangahas at hindi tumitigil sa kanilang operasyon dahil sa bilyon-bilyong piso kita sa droga.
By Ralph Obina | may ulat ni Jonathan Andal (Patrol 31)
