Bubuksan na sa publiko ang panibagong istasyon ng EDSA Busway sa Nobyembre sa kahabaan ng Malibay, Pasay City.
Inihayag ni Transport Undersecretary Mark Steven Pastor na ito ay para mabigyan ng access ang publiko sa mass transportation at bilang tugon para sa inaasahang pagdagsa ng pasahero ngayong holiday season.
Sinabi pa ni Pastor na nagdagdag rin sila ng 100 bus sa nasabing ruta upang pagserbisyuhan ang 350k pasaherong gumagamit nito.
Iginiit namang muli ng opisyal na dahil walang nakalaang pondo sa 2023 budget ng Kagawaran ay hanggang katapusan na lamang ng Disyembre ngayong taon ang libreng sakay sa EDSA Busway. —sa panulat ni Hannah Oledan
