Inilunsad ng Department of Education (DepEd) ang pasilidad ng National Educators Academy of the Philippines (NEAP) na magsisilbing bagong lugar na pagsasanayan ng mga guro.
Ang naturang pagpapasinaya ng mga bagong pasilidad ay pinangunahan ni Education Undersecretary Nepomuceno Malaluan.
Matatagpuan ang mga nabanggit na pasilidad sa Teacher’s Camp, Baguio City.
Bahagi ang naturang modernong pasilidad ng isinulong na reporma ni Education Secretary Leonor Briones sa ilalim ng programang edukalidad.
Ang layunin nito ay mapataas ang kalidad ng edukasyon sa bansa sa pamamagitan ng maayos na pagsasanay para sa mga guro at school leaders.
