Inilunsad na ng Department of Foreign Affairs o DFA ang bagong pasaporte na mayroong bisa hanggang sampung (10) taon.
Pinangunahan ni DFA Secretary Alan Peter Cayetano ang paglulunsad ng bagong pasaporte sa DFA Office of Consular Affairs sa Parañaque City.
Gayunman, nilinaw ng DFA na mananatili pa rin sa limang taon ang bisa ng pasaporte para sa mga may edad 18 pababa.
Agosto ng nakaraang taon nang lagdaan ng Pangulong Rodrigo Duterte ang batas na nagtatakda ng sampung taong validity sa pasaporte mula sa kasalukuyang limang taon.
—-
