Nakatakdang ihayag ni Pangulong Rodrigo Duterte sa darating na Lunes kung sino ang susunod na mamumuno sa PhilHealth na naging maugong dahil sa isyu ng korapsyon.
Ito’y ayon kay Senador Christopher ‘Bong’ Go.
Ani Go, mayroon nang napipisil na kapalit si Pangulong Duterte kay dating PhilHealth President and CEO Ricardo Morales na kamakailan ay nagbitiw sa pwesto dahil sa lagay ng kanyang kalusugan.
Magugunitang umalingawngaw sa publiko ang talamak na korapsyon sa ahensya na sinundan naman ng pagdinig sa senado para matukoy kung sino-sino at ano-ano ang nagaganap na anomalya sa ahensya.
