Ipinasa na ni Chief Superintendent Dionardo Carlos ang posisyong PNP Spokesman kay Chief Superintendent John Bulalacao.
Ito’y sa ginanap na turnover ceremony sa Camp Crame na pinangunahan ni Police Director Eduardo Garado ng Directorate for Police Community Relations o DPCR bilang presiding officer.
Sa kanyang mensahe, sinabi ni Bulalacao na masaya niyang tinatanggap ang bagong responsibilidad at aaraling mabuti ang trabaho ng pagiging tagapagsalita ng PNP.
Sa kabilang banda, nagpasalamat naman si Carlos sa tiwalang ibinigay sa kanya ni PNP Chief Ronald Dela Rosa sa isa’t kalahating taon niyang pagiging tagalagsalita ng Pambansang Pulisya.
Humingi rin siya ng tawad sa mga miyembro ng media sa PNP kung nasaktan man niya ng hindi sinasadya ang mga ito.
Itinututring si Carlos ng mga Crame reporter bilang isa sa mga pinakastriktong naging PNP Spokesperson.
Inilipat ni Chief Dela Rosa si Carlos sa PNP-AVSEGROUP o Aviation Security Group bilang bagong hepe nito.
Si Carlos at Bulalacao ay mistah o magka-klase sa PMA Batch 1988.
—-
