Inilagay na ng Inter-Agency Task Force (IATF) sa mas maluwag na General Community Quarantine (GCQ) ang Metro Manila at 13 iba pa.
Ito ang kinumpirma ni Presidential Spokesman Harry Roque matapos aprubahan ni Pangulong Rodrigo Duterte ang rekumendasyon ng IATF hinggil sa bagong quarantine classifications.
Aniya, epektibo ang bagong quarantine classifications mula Setyembre 8 hanggang sa katapusan ng buwang ito.
Maliban sa Metro Manila, kabilang din sa mga inilagay sa GCQ ay ang mga lungsod ng Baguio, Dagupan, Cebu, Mandauw, Santiago, Zamboanga, Iligan, Puerto Princessa, General Santos at Cotabato.
Gayundin ang mga lalawigan ng Kalinga, Abra, Benguet, Quirino, Isabela, Nueva Vizcaya, Tarlac, Occidental Mindoro, Aklan, Guimaras, Negros Occidental, Zamboanga Sibugay, Zamboanga Del Norte, Misamis Occidental, Davao Oriental, Davao Del Sur, Sultan Kudarat, Sarangani, North Cotabato, South Cotabato.
Kasama rin ang Agusan Del Norte, Agusan Del Sur, Dinagat Island, Surigao Del Norte, Surigao Del Sur At Lanao Del Sur.
Nasa GCQ with heightened restrictions naman ang mga lugar ng Ilocos Norte, Ilocos Sur, Cagayan, Pangasinan, Quezon, Batangas, Naga City, Antique, Bacolod City, Capiz, Lalawigan Ng Cebu, Lapu-Lapu City, Negros Oriental,
Gayundin ang Zamboanga Del Sur, Misamis Oriental, Davao City, Davao Del Norte, Davao De Oro, Davao Occidental at Butuan City.
Habang mananatili sa Modified Enhanced Community Quarantine ang mga lugar ng Apayao, Bataan, Bulacan, Cavite, Rizal, Laguna, Iloilo Province, Iloilo City at Cagayan De Oro City.
Ang mga hindi naman nabanggit ay isasailalim sa Modified General Community Quarantine (MGCQ).
