Mahigpit ng mino-monitor ng mga siyentista ang isang bagong strain ng H7N9 avian influenza virus dahil sa potensyal nitong maging “pandemic” o kumalat sa buong mundo sa hinaharap.
Batay sa Centers for Disease Control and Prevention ng US, nanguna sa kanilang listahan ang bagong strain ng virus na nakakuha ng 6.5 na score para sa emergence o mabilis na pagkalat at 7.5 para sa malaking epekto nito.
Bagaman wala pang kakayahang magpalipat-lipat sa tao ang nasabing virus, lumabas sa resulta ng test ng mga researcher na maaaring kumalat ang sakit sa ibon sa pamamagitan ng airborne fluid droplets gaya ng pag-ubo o pag-bahing na kadalasang nakamamatay.
Kabilang sa tinututukan ng mga siyentista ang China kung saan naitala ang pinakamataas na bilang ng H7N9 avian influenza cases.
—-
