Iginiit ng Bureau of Animal Industry (BAI) na sapat ang suplay ng manok sa bansa.
Ayon kay BAI director Reildrin Morales, numinipis ang suplay ng manok dahil mahaba at matagal ang growing period, pero maituturing pa rin itong maikli, kumpara sa ibang commodities o ang mga raw material or primary agricultural product na ibinebenta at binibili sa mga pamilihan.
Sinabi ni Morales na ang problema umano ng mga fast food chain ay hindi akma sa kanilang specification o ang paglalarawan sa mga available na manok.
Sa naging pagpupulong ng BAI sa ilang stakeholders sa broiler industry, kanilang inihayag na gumaganda na ang production cycle ng mga ito kaya walang shortage ng manok sa Pilipinas.
