Kanselado ang bakasyon sa Decemeber 31 ng lahat ng mga pulis sa buong bansa, kabilang na ang mga office at administrative personnel.
Alinsunod ito sa direktiba ni PNP Chief Director General Ronald Dela Rosa.
Ayon kay Dela Rosa, ala-5 ng hapon sa December 31 ay kailangang mag-report ang mga pulis sa kani-kanilang mother unit.
Kung sila naman aniya ay nasa bakasyon, kailangan silang mag-report sa pinakamalapit na istasyon ng pulisya sa lugar kung saan sila nagbabakasyon.
Hinikayat din ni Dela Rosa ang mga barangay official na tulungan sila sa pagpapatrolya para maabot ang target na zero casualty sa indiscriminate firing ngayong taon.
Nanawagan ang PNP chief sa mga gun owner na maging disiplinado sa paghawak ng baril.
By: Meann Tanbio / Jonathan Andal
