Epektibo ang bakuna kontra COVID-19 ayon kay Dr. Imelda Mateo, Medical Chief ng Amang Rodriguez Medical Center.
Ito ay dahil karamihan aniya sa mga COVID-19 patients sa kanilang ospital ay mayroon lamang mild symptoms o asymptomatic.
Ani Mateo, mayroon sila ngayong 72 confirmed, presumptive at suspect virus patients. Higit itong mataas mula sa 22 hanggang 35 kaso noong nakaraang Hunyo hanggang Hulyo.
Ngunit ang nakikita aniya nilang mayroong kritikal na kondisyon ay iyong mga hindi pa nababakunahan kontra COVID-19.
