Tiniyak ni Vaccine Czar, Secretary Carlito Galvez na sapat ang supply ng bakuna laban sa COVID-19 sa pagsisimula ng vaccination sa mga edad 12 hanggang 17.
Ayon kay Galvez, karamihan sa bulto ng deliveries ngayong fourth quarter ay mula sa Pfizer at Moderna na gagamitin sa mga menor de edad.
Batay sa datos ng gobyerno, mahigit 1.3 million doses ng Moderna ang dumating noong sabado kaya’t umabot na sa 85, 575,600 ang kabuuang bilang ng idineliber na bakuna.
Magugunitang iginawad ng Food and Drug Administration (FDA) ang emergency use authorization sa Pfizer at Moderna upang maiturok sa mga edad 12 hanggang 17. —sa panulat ni Drew Nacino
