Kinumpirma ng Department of Interior and Local Government o DILG ang pagpapatupad ng balasahan sa hanay ng Bureau of Fire Protection o BFP.
Ito’y makaraang bigyan ng go signal ni DILG Secretary Mike Sueno batay na rin sa rekumendasyon sa kaniya ni BFP officer – in – charge C/Supt. Bobby Baruelo.
Aabot sa 47 opisyal mula sa national, regional, district at city fire headquarters ang tatamaan ng nasabing rigudon alinsunod sa probisyon ng ra 9263 o ang BFP and BJMP professionalization act of 2004.
Binigyang diin ng kalihim na isang karaniwang gawain na sa BFP ang changing of guards na layong palakasin ang kanilang institusyon at maiwasan ang tinatawag na familiarity.
By: Jaymark Dagala
