Balik na sa pamamasada ang ilang mga pampublikong jeepney at multicab sa bahagi ng Dasmariñas, Cavite.
Kasabay ito ng pagbubukas nang muli ng 50% ng ilang mga industriya sa mga lugar sa bansa na nasa ilalim na ng general community quarantine (GCQ) tulad ng lalawigan ng Cavite, simula ngayong araw.
Alinsunod naman sa guidelines ng IATF, naglagay ng mga harang sa upuan ng kanilang pinapasadang jeep.
Ito ay upang masunod ang social distancing na bahagi naman ng pag-iingat laban sa posibleng hawaan ng coronavirus disease 2019 (COVID-19) sa mga mananakay.
