Magbabagong bihis ang Banaue Rice Terraces para muling makilala sa buong mundo.
Ipinabatid ni Ifugao Governor Pedro Mayam-O na isinasailalim sa rehabilitasyon ang nasabing lugar para maibalik ang dati nitong ganda at mapabilang muli sa 8 Wonders of the World.
Gayunman, inamin ni Mayam- O na nagkukulang ang pondo sa rehabilitasyon ng Banaue Rice Terraces kahit pa may tulong ng dalawang (2) renewable energy companies.
Ayon kay Mayam – O, nakikipag-tulungan na sila sa iba’t ibang ahensya ng gobyerno at non-government organizations para maibalik ang magandang tanawin ng Banaue Rice Terraces.
Sinabi ni Mayam- O na isinasailalim din nila sa rehabilitasyon maging ang Rice Terraces sa Mayoyao, Hungduan, Kiangan at iba pang bahagi ng lalawigan.
By Judith Estrada – Larino
