Natagpuang tadtad ng saksak at tama ng bala ng baril ang dalawang lalaki sa Doña Remedios Trinidad, Bulacan
Kinilala ng awtoridad ang mga biktima na sina Jayson Flores, 34 – anyos at Robert Sabado, 29- anyos.
Ayon sa Bulacan Police, isang caretaker sa lugar ang nagreport sa kanila na may nakadiskubreng 2 bangkay ng tao.
Agad na tumungo ang mga pulis sa lugar hanggang sa tumambad sa kanila ang 2 biktima na nakasubsob sa gilid ng kalsada at may mga tamo ng mga sugat sa katawan mula sa pananaksak at pamamaril
Nakita rin ng mga pulis ang mga nagkalat na basyo mula sa hindi pa matukoy na baril at isang nakatumbang motorsiklo malapit sa mga biktima.
Nagsasagawa na ng backtracking ang mga pulis sa mga CCTV sa lugar para sa pagkakakilanlan ng mga salarin.
