Bangkay na ng matagpuan ang Koreanong negosyante na dinukot sa Pampanga.
Ayun kay Atty. Ross Jonathan Galicia ng NBI Task Force against illegal drugs, nakita ang pinaniniwalaang bangkay ni Jee Ick-Joo sa isang hindi pinangalanang funeral parlor sa Bagbaguin, Caloocan City.
Ang naturang bangkay ay itinuro ng isang hindi pinangalanang impormante.
Ayon sa otoridad, ang bangkay ay sinunog pa umano bago dinala sa funeral parlor sa mismong araw na dinukot ito sa kanilang bahay sa Pampanga. Isasailalim muna ang labi sa forensic examination.
Tinutunton na ngayon ng NBI ang may-ari ng funeral parlor na posibleng kasabwat sa pagpatay sa Koreanong negosyante bagamat hinihinalang nakalabas na ito ng bansa.
Si Jee ay dinukot noong October 18, 2016 sa bahay niya sa Angeles City, Pampanga.
By: Race Perez / Bert Mozo
