Kumpirmadong bangkay ng napatay na Abu Sayyaf leader at emir ng ISIS na si Isnilon Hapilon ang natagpuan ng tropa ng militar sa giyera sa Marawi City.
Ayon kay Defense Secretary Delfin Lorenzana, lumabas sa resulta ng Federal Bureau of Investigation o FBI na tugma ang DNA sample ni Hapilon sa sample na narekober sa lungsod.
Gayunman sinabi ni Lorenzana na hindi pa inilalabas ng FBI ang resulta ng DNA test sa bangkay ng isang pang lider ng terorista na si Omar Maute.
Nauna rito, sinabi ni Armed Forces of the Philippines o AFP Public Affairs Office Chief Col. Edgard Arevalo na magbibigay daan ang resulta ng DNA test para maibigay ang reward money sa mga informants na nagbigay ng impormasyon para matukoy ng militar ang pinagtataguang lugar ng dalawang teroristang lider.
—-
