Nakatakdang sampahan ng kasong kriminal ng Department of Justice sa Muntinlupa RTC sina suspended Bureau of Corrections Chief Gerald Bantag at Supt. Ricardo Zulueta.
Ito ang inihayag ni Justice Sec. Jesus Crispin Remulla, kasunod ng reklamong pananaksak ng dalawang akusado sa dalawang inmate ng New Bilibid Prison na kinilalang sina Ronald Usman at Jonathan Cañeta.
Nabatid na naglabas ng resolusyon ang DOJ panel of prosecutors matapos makitaan ng probable cause para sampahan ng kaso sina Bantag at Zulueta sa ilalim ng Anti-Torture Law.
Sa ngayon, nahaharap sa 2 counts of physical at psychological torture si Bantag habang sasampahan naman ng kasong accessory to the crime si Zulueta.
