Nagsimula na ngayong araw na ito ang apat na araw ng linggo nang itinakdang pagdaraos ng bar examinations sa buwan ng Nobyembre.
Tinatayang 7,200 law graduates ang lumusob sa UST sa Maynila para sa bar exams na idaraos din sa November 11, 18 at 25.
Halos pitong daang pulis ang itinalaga sa lugar kung saan libu-libong kaibigan at kaanak ng mga examinees ang sumama sa mga ito bitbit ang mga streamer bilang suporta sa mga nais maging abogado.
Nagpatupad ng traffic re-routing scheme ang mga otoridad sa paligid ng UST mula alas kuwatro hanggang alas siyete ng umaga at mula alas kuwatro ng hapon hanggang alas siyete ng gabi gayundin ang parking zone policy sa paligid ng unibersidad.
Kabilang sa mga bar examinee ang 150 law graduates mula sa Iligan City at Marawi City.
