Arestado ang isang barangay kagawad at isang babae sa isinagawang entrapment operation ng Quezon City Police District.
Kinilala ang barangay kagawad na si Raul Tero at ang kasabwat nito na si Liza Cuyugan na pawang inireklamo ng pangingikil.
Huli sa surveillance video ng QCPD na nag-aabutan ng pera si Tero at Cuyugan sa loob ng Barangay Hall sa Caloocan ng pasukin ito ng operatiba at arestuhin
Ayon sa nagreklamong itinago na lamang sa pangalang Bimbo kinikikilan umano siya ng dalawa at tinakot pang sasampahan ng kasong rape kung hindi makakapagbigay ng kalahating milyon na naibaba na lamang sa halagang 100,000 Piso.
Isasailalim sa inquest proceeding ang dalawang suspek.
