Inamin ng aktor na si Baron Geisler na nasa hindi magandang estado ang relasyon nila ng kaniyang asawa na si Jamie Evangelista.
Kwento ni Baron, hinihiling kasi ng kaniyang asawa na ipa-annul o ipawalang bisa na ang kanilang kasal.
Nabatid kasing pansamantalang magkahiwalay ngayon si Baron at Jamie at kasalukuyan siyang nakatira sa bahay ng kanilang kasama sa fellowship.
Aniya, kailangan niya kasing sumailalim mula sa recovery process na konsepto ng Alcoholics Anonymous na mayroong 12 guidelines matapos mauwi sa pagtatalo ang kaniyang pagbalik sa pag-inom.
