Isang taga-Batangas ang nadagdag sa hanay ng mga milyonaryo matapos masungkit ang premyo sa 6/42 lotto ng PCSO
Natumbok ng masuwerteng mananaya mula sa bayan ng San Jose ang kombinasyong 11 – 33 – 08 – 29 – 07 – 19 na may jackpot na 77.1 million pesos sa ginawang draw, noong Huwebes.
Anim namang bettors ang nakahula sa five number combinations at nanalo ng tig-24,000 pesos.
Nananatiling suspendido ang pagbebenta at pagbili ng PCSO tickets sa Metro Manila mula Agosto 6 hanggang 20 habang nasa ilalim ng enhanced community quarantine.
Gayunman, nagpapatuloy ang operasyon ng PCSO, sa ibang rehiyon na hindi saklaw ng ECQ maging ang draw sa main office sa Mandaluyong City.—sa panulat ni Drew Nacino
