Nakiusap si PNP Chief Director General Ronald ‘Bato’ Dela Rosa sa Special Action Force (SAF) Troopers na nakatalaga sa New Bilibid Prison (NBP) na huwag siyang ipahiya at huwag masangkot sa anumang iligal na aktibidad.
Kasunod na rin ito nang pagbisita ni Dela Rosa kaninang umaga sa NBP kung saan kinausap niya ang SAF Troopers matapos masangkot ang mga ito sa nabuhay umanong illegal drug trade sa NBP.
Umapela rin si Dela Rosa sa SAF Troopers na huwag dibdibin ang mga lumalabas na usapin at manatiling naka-pokus sa kanilang trabaho at patunayang wala silang kinalaman sa iligal na aktibidad sa pambansang piitan.
Gayunman, sakaling totoo ang mga alegasyon at napatunayang nakikipag-sabwatan ang SAF Troopers sa NBP drug lords, tiniyak ni Dela Rosa na mananagot ang mga ito sa kaniya.
By Judith Estrada – Larino
