Nilinaw ni Philippine National Police o PNP Chief Director General Ronald Dela Rosa na hindi nila kailangang magtalo at magkaroon ng “word war” ni Philippine Drug Enforcement Agency o PDEA Chief Aaron Aquino.
Kasunod ito ng pahayag ni Aquino na responsibildad ng PNP ang anumang pagtaas sa kaso ng rape sa dahil trabaho aniya nila na tutukan ang ‘anti- criminality’ sa bansa.
Ayon kay Dela Rosa, nirerespeto niya ang opinyon ni Aquino at umaasa siyang nirerespeto rin ng PDEA Chief ang kanyang opinyon.
Nauna rito, sinabi ni Dela Rosa na noong sila pa ang nangunguna sa “war on drugs” ng pamahalaan ay mas kakaunti ang naitatalang kaso ng rape sa bansa.
Matatandaang noong Oktubre ay inatasan ni Pangulong Duterte ang PDEA na maging pangunahing ahensya ng pamahalaan sa laban nito kontra iligal na droga.
—-
