Tanging sa senado lamang magsasalita si Philippine National Police o PNP Chief Director General Ronald “Bato” Dela Rosa hinggil sa kanyang nalalaman sa DDS o Davao death squad sakaling magsagawa sila ng imbestigasyon patungkol dito.
Aminado si Dela Rosa na hindi siya malinis na pulis dahil mayroon na siyang mga napatay, ngunit hindi naman ganoon kadami.
Una nang ibinulgar sa senado ni Retired SPO3 Arthur Lascañas na may alam si Dela Rosa sa operasyon ng DDS, partikular na sa pagpatay nila kay Sali Makdum.
Bagaman una na niyang inamin na kilala niya si Lascañas dahil sa pagiging hepe ng Davao City Police, tumanggi na si Dela Rosa na magbigay pa ng anumang komento tungkol sa mga alegasyon ng retiradong pulis.
By Meann Tanbio
